Satya Dev: టాలెంటెడ్ అండ్ వెర్సటైల్ యాక్టర్ సత్యదేవ్, పాన్ ఇండియా యాక్టర్స్ తమన్నా జంటగా నటించిన సినిమా ‘గుర్తుందా శీతాకాలం. కన్నడలో సక్సస్ఫుల్ డైరెక్టర్ కమ్ యాక్టర్ నాగశేఖర్ ఈ చిత్రంతో తెలుగులో దర్శకుడిగా పరిచయం అవుతున్నాడు. చింతపల్లి రామారావు, భావన రవి, నాగశేఖర్ దీనిని సంయుక్తంగా నిర్మిస్తున్నారు. కాలభైరవ సంగీతాన్ని అందించిన ఈ సినిమా ఇదే నెల 9న వరల్డ్ వైడ్ రిలీజ్ కాబోతోంది. దాంతో మూవీ టీమ్ పబ్లిసిటీ జోరూ పెంచింది. అందులో భాగంగా ట్రైలర్ లాంచ్ చేసి, మీడియా మీట్ ఏర్పాటు చేసింది.
ఇందులో దర్శకుడు నాగశేఖర్ మాట్లాడుతూ, ”తెలుగులో నాకిది డెబ్యూ ఫిలిం. ఎక్కడికి వెళ్లిన ఈ టైటిల్ ఎలా తట్టింది అని అడుగుతున్నారు. క్రెడిట్ గోస్ టూ హీరో సత్యదేవ్ గారు. డిశంబర్ 9న ఈ సినిమాకి రిలీజ్ అవుతుంది తప్పకుండా చూడండి” అని అన్నారు. హీరో సత్యదేవ్ మాట్లాడుతూ, ”ఈ సినిమాలో నాలుగు డిఫెరెంట్ లవ్ స్టోరీస్ ఉంటాయి. ఫోర్ ఫేజెస్ ఆఫ్ లైఫ్ అన్నమాట. అన్ని సెక్షన్స్ కి కనెక్ట్ అయ్యే ఇది. ఈ నాలుగు ఫేజెస్ అయిపోయినవాళ్లు ఉంటారు, ప్రెజెంట్ ఏదో ఒక ఫేజ్ రన్ అయ్యే వాళ్ళూ ఉంటారు. అందరికి ఈ సినిమా బాగా కనెక్ట్ అవుతుంది. ఈ సినిమాకు లక్ష్మీ భూపాల అన్న తాను రాసిన డైలాగ్స్ నేరేట్ చేస్తున్నప్పుడు కంప్లీట్ గా నవ్వుతూనే ఉన్నాం. లక్ష్మి భూపాల అన్న నా సినిమా అంటే పెన్ , పేపర్ తో పాటు ప్రేమను కూడా కలుపుతారు. ఈ కథ విన్నపుడు ఎలా ఫీల్ అయ్యామో సినిమాను కూడా అదే ఫీల్ తో తెరకెక్కించాడు నాగశేఖర్ అన్న. ఈ జనరేషన్ కి ఒక ‘గీతాంజలి’ లేదు. ‘గుర్తుందా శీతాకాలం’ను ఈ జనరేషన్ ‘గీతాంజలి’ అనుకోవచ్చు. ఇందులో నటించిన తమన్నా, మేఘ ఆకాష్, కావ్యాశెట్టి కృతజ్ఞతలు తెలిపారు. కాల భైరవ ఈ సినిమాకి మంచి సంగీతం అందించారు. ఈ శీతాకాలంలో గుర్తుందా శీతాకాలం గుర్తుండిపోతుంది” అని అన్నారు.
