సోషల్ మీడియాలో ఆటో డ్రైవర్… ఇంటర్ నిబ్బి పైన ఉన్నన్ని ఫన్నీ మీమ్స్ ఇంకో టాపిక్ పైన ఉండవు. డిఫరెంట్ డిఫరెంట్ కొటేషన్స్ ని, ప్రేమ కవితలని ఆటో పైన వేసుకోని, ఫుల్ సౌండ్ పెట్టుకోని క్రేజీగా తిరుగుతూ ఉంటారు కొందరు ఆటో డ్రైవర్స్. స్టైల్, స్వాగ్ ని మైంటైన్ చెయ్యడంలో వీళ్లు ముందుంటారు. ఇలాంటి ఒక డిఫరెంట్ క్యారెక్టర్ ని చెయ్యడానికి రెడీ అయ్యాడు సత్యదేవ్. ఇంటెన్స్ యాక్టింగ్, మంచి బేస్ వాయిస్ ఉన్న సత్యదేవ్ సినిమాలు అనగానే సీరియస్ మూవీస్ గుర్తొస్తాయి. ఎక్కువగా ఇంటెన్స్ నటన ప్రెజెంట్ చెయ్యగల స్కోప్ ఉన్న క్యారెక్టర్స్ ని మాత్రమే చేసిన సత్యదేవ్ ఈ జనరేషన్ చూసిన వర్సటైల్ యాక్టర్స్ లో ఒకడు. తన వెర్సటాలిటీ చూపించడానికి, తనలోని నటుడిని ఒక కొత్తగా పరిచయం చెయ్యడానికి సత్యదేవ్ చేస్తున్న సినిమా ‘ఫుల్ బాటిల్’. సత్యదేవ్ ఆటో డ్రైవర్ గా నటిస్తున్న ఈ మూవీలో అతని క్యారెక్టర్ పేరు ‘మెర్క్యూరీ సూరి’. ఫుల్ బాటిల్ టైటిల్, మెర్క్యురీ సూరి క్యారెక్టర్ పేరు అనగానే సత్యదేవ్ ఈసారి ఎదో కొత్తగా చెయ్యబోతున్నాడు అనే విషయం అర్ధమవుతోంది.
ఈ మూవీని శరన్ కొప్పిశెట్టి డైరెక్ట్ చేస్తున్నాడు. గతంలో సత్యదేవ్, శరన్ కాంబినేషన్ లో ‘తిమ్మరుసు’ సినిమా వచ్చి మంచి పేరు తెచ్చుకుంది. ఇంతకన్నా ముందు శరన్, నిఖిల్ నటించిన కిరాక్ పార్టీ సినిమాని డైరెక్ట్ చేసాడు. కిరాక్ పార్టీలో శరన్ ఫన్ ని బాగా క్యారీ చేసాడు. ఇప్పుడు ఫుల్ బాటిల్ సినిమాలో కూడా ఫన్ ని సత్యదేవ్ తో చేయించడానికి రెడీ అయ్యాడు. ఫుల్ బాటిల్ సినిమా కోసం సత్యదేవ్ ఎలా ప్రిపేర్ అయ్యాడు అనేది చూపిస్తూ మేకర్స్ ఒక వీడియోని రిలీజ్ చేసారు. ఇందులో సత్యదేవ్ సీరియస్ గా శరన్ చెప్పే కథని వింటూ ఉంటే… కాస్త నవ్వు బ్రో అని చెప్తూ శరన్ ‘మెర్క్యూరీ సూరి’ క్యారెక్టర్ ని పరిచయం చేసిన విధానం బాగుంది. మే 27న సాయంత్రం 5:30 నిమిషాలకి ఫుల్ బాటిల్ టీజర్ రిలీజ్ కానుంది. ఈ టీజర్ తో సత్యదేవ్ సాలిడ్ చేంజోవర్ చూపిస్తాడేమో చూడాలి.
Preparation Ayiepeyindhi 🤙
Inka Presentation ye 🥳Preparation of #MercurySoori meekosam 😉
▶️ https://t.co/bfZRb5pTDWBringing you #FullBottleTeaser on May 27th, 5:30PM.
Stay tuned 🤗@itssanjanaanand @sharandirects @actorbrahmaji @SRCOffl @SDCompanyOffl @vamsikaka pic.twitter.com/L5rnHVTX4m— Satya Dev (@ActorSatyaDev) May 25, 2023