Sai Pallavi Sister: సాయి పల్లవి చెల్లి పెళ్లి.. ఫోటోలు వైరల్

Sai Pallavi Sister Marriage Photos goes Viral: నటి సాయి పల్లవి సోదరి పూజా కన్నన్ వివాహం ఈ రోజు అట్టహాసంగా పూర్తయింది. వివాహ ఫోటోలు బయటకు వచ్చాయి. అల్ఫోన్స్ పుత్రన్ దర్శకత్వంలో మలయాళంలో విడుదలైన ప్రేమమ్ చిత్రంతో సాయి పల్లవి తమిళ అభిమానులందరి హృదయాలను దోచుకుంది. మలయాళం సినిమా ద్వారా తెరంగేట్రం చేసినా, ఆమె తమిళ అమ్మాయి. నటి సాయి పల్లవి స్వస్థలం ఊటీ సమీపంలోని కోటగిరి. ఆమె అంతా కోయంబత్తూరులోనే చదివింది. కర్కి, మారి 2, NGK వంటి తమిళ చిత్రాల్లో నటించి ప్రముఖ నటిగా గుర్తింపు తెచ్చుకుంది. ప్రస్తుతం నటి సాయి పల్లవి ప్రధాన పాత్రలో అమరన్ అనే తమిళ చిత్రం రూపొందుతోంది. రాజ్‌కుమార్ పెరియసామి దర్శకత్వం వహిస్తున్న ఈ చిత్రంలో సాయి పల్లవి శివకార్తికేయన్ భార్యగా నటించింది.

GOAT: గోట్ సినిమాలో విజయ్ తో పాటు ఎవరెవరికి ఎంత ఇచ్చారంటే?

దీపావళి కానుకగా అమరన్ అక్టోబర్ 31న విడుదల కానుంది. అమరన్ తర్వాత తెలుగులో నాగ చైతన్యతో తాండేల్ సినిమా చేస్తోంది. ఇవి కాకుండా బాలీవుడ్‌లో రామాయణం ఆధారంగా తెరకెక్కుతున్న పురాణ చారిత్రక చిత్రంలో సాయి పల్లవి హీరోయిన్‌గా నటిస్తోంది. ఇందులో రాముడిగా రణబీర్ కపూర్, అతని సరసన సీతగా సాయి పల్లవి నటిస్తున్నారు. నటి సాయి పల్లవికి పూజా కన్నన్ అనే చెల్లెలు కూడా ఉంది. ఆమె కూడా ఒక సినిమాలో హీరోయిన్‌గా కూడా నటించింది. ఎ.ఎల్.విజయ్ దర్శకత్వం వహించిన చిత్రై సెవ్వనం సినిమాతో తెరంగేట్రం చేసిన పూజా కన్నన్ తన అక్క స్థాయికి తగ్గట్టుగా క్రేజ్ రాకపోవడంతో సినిమాల నుంచి తప్పుకుంది. గత కొన్ని నెలల కృతమ్ పూజా కన్నన్ పెళ్లి ఖరారైన సంగతి తెలిసిందే. ఇదిలావుంటే, పూజా కన్నన్ వివాహం ఈరోజు కోటగిరిలో పడుకర్ కుల పద్ధతిలో జరిగింది. సాయి పల్లవి దగ్గరుండి తన చెల్లెలు పెళ్లిని నిర్వహించింది. పూజా కన్నన్ తన చిరకాల ప్రియుడు వినీత్‌ను పెళ్లి చేసుకుంది. ఈ జంట పెళ్లి ఫోటోలు ఇంటర్నెట్‌లో వైరల్ అవుతున్నాయి.