Sai Pallavi gets Double Remuneration for Ramayan: ఫిదా మూవీతో పరిచయమైన సాయి పల్లవి మొదటి సినిమాతోనే ఈ చిన్నది తెలుగు ప్రేక్షకుల హృదయాలను కొల్లగొట్టింది. ఇక తన డాన్స్ తో అభిమానుల గుండెల్లో క్వీన్ గా మారిపోయి గ్లామర్ పాత్రలకు నో చెప్తూ.. పాత్రకు ప్రాధాన్యత ఉన్న సినిమాలు ఎంచుకొని అనతి కాలంలోనే స్టార్ హీరోయిన్ గా పేరు తెచ్చుకుంది. సినిమాలో ఎంత స్టార్ క్యాస్టింగ్ ఉన్నా, ఎంత పెద్ద హీరో ఉన్నా కథ నచ్చకున్నా, తన పాత్రకు ప్రాధాన్యత లేకపోయినా వెంటన్ రిజెక్ట్ చేస్తుంది. ఇలా ఇప్పటి వరకు ఆమె ఎన్నో సినిమాలు రిజెక్ట్ చేసింది. ఆ సంగతి అలా ఉంచితే ఆమె నటించే సినిమా ఒకదానికి డబుల్ రెమ్యునరేషన్ తీసుకోబోతున్నట్లు తెలుస్తోంది. నిజానికి సాయి పల్లవి సెలెక్టివ్ పద్ధతిలో సినిమాలకు సైన్ చేస్తుంది. ఆమె డబ్బుకు ప్రాధాన్యత ఇవ్వదు; అందుకు బదులుగా, కంటెంట్ ను బట్టే ఆమె సినిమాల ఎంపిక ఉంటుంది. ప్రాజెక్ట్పై సంతకం చేయడానికి ప్రమాణం ఆమెకు డబ్బు కాదు, అందుకే ఆమె ప్రతిభ బాలీవుడ్ దర్శక నిర్మాతలను కూడా ఆకర్షించడంలో ఆశ్చర్యం లేదు.
Yatra 2 OTT: ఓటీటీ ఎంట్రీకి సిద్ధమైన యాత్ర 2
తాజాగా ఒకే సారి రెండు హిందీ సినిమాలకు సైన్ చేసింది. ఆమె నటిస్తున్న బాలీవుడ్ ప్రాజెక్ట్లలో ఒకటి “రామాయణ్”. రామాయణ గాధను ఆధారంగా చేసుకుని తెరకెక్కిస్తున్న ఈ సినిమాలో రణబీర్ కపూర్ రాముడిగా నటిస్తున్నారు. ఇప్పటికే షూట్ మొదలు పెట్టినా నటించారు. ఏప్రిల్ 17, 2024న శ్రీరామ నవమి రోజున ఈ చిత్రాన్ని అధికారికంగా ప్రకటించనున్నట్టు ప్రచారం జరుగుతోంది. ఈ భారీ ప్రాజెక్ట్ కోసం సాయి పల్లవి దాదాపు రెట్టింపు రెమ్యునరేషన్ అందుకుంటున్నట్లు సమాచారం. తెలుగు లేదా తమిళ సినిమాలకు ఆమె వసూలు చేసే దానికంటే రెట్టింపు అందుకున్నట్టు తెలుస్తోంది. ప్రాజెక్ట్ పాన్ ఇండియా లెవల్ కారణంగా ఈ సినిమాను పలు భాషల్లో రిలీజ్ చేస్తున్నారు. కాబట్టి ఆమెకు ఆ స్థాయిలో రెమ్యునరేషన్ ఇస్తున్నారని తెలుస్తోంది. ఇక ఈ సినిమా పక్కన పెడితే, సాయి పల్లవి అమీర్ ఖాన్ తనయుడు జునైద్ ఖాన్ నటిస్తున్న హిందీ సినిమాతో పాటు నాగచైతన్య తండేల్ అనే తెలుగు సినిమాలో కూడా నటిస్తోంది.
