Sai Pallavi: ఆ క్రేజ్ ఏంటి మాస్టారూ?

Sai Pallavi: శివ కార్తికేయన్ హీరోగా సాయి పల్లవి హీరోయిన్గా తెరకెక్కిన తాజా తమిళ చిత్రం అమరన్. ఈ సినిమాని అదే పేరుతో తెలుగులో డబ్బింగ్ చేసి రిలీజ్ చేస్తున్నారు నితిన్ తండ్రి సుధాకర్ రెడ్డి. శ్రేష్ట్ సినిమాస్ బ్యానర్ మీద ఈ సినిమాని తెలుగు ప్రేక్షకులకు అందిస్తున్నారు. ఈ సినిమా అక్టోబర్ 31వ తేదీన దీపావళి సందర్భంగా ప్రేక్షకుల ముందుకు రాబోతోంది. ఈ క్రమంలో ఈరోజు హైదరాబాదులోని ఒక స్టార్ హోటల్లో ఈ సినిమాకి సంబంధించిన ప్రీ రిలీజ్ ఈవెంట్ నిర్వహించారు. ఈ ఈవెంట్ మొదలు కాకముందే సాయి పల్లవి అభిమానులు ఆ ఈవెంట్ ఆడిటోరియం మొత్తాన్ని ఆక్రమించారు. ఇక సాయి పల్లవి వచ్చినప్పటి నుంచి సాయి పల్లవి, సాయి పల్లవి అంటూ అరుస్తూనే ఉన్నారు. ఇక ఈ సినిమా దర్శకుడు రాజకుమార్ పెరియ సామి వేదిక మీద మాట్లాడుతున్న సమయంలో సాయి పల్లవి ప్రస్తావన ఒకసారి వచ్చింది.

Also Read: Jani Master: జైలు నుంచి ఇంటికి.. జానీ మాస్టర్ ఎమోషనల్ వీడియో

అంతే ఆ దర్శకుడిని మాట్లాడనివ్వకుండా దాదాపు రెండు నిమిషాల పాటు సాయి పల్లవి, సాయి పల్లవి అంటూ ఆమె అభిమానులు అరుస్తూనే ఉన్నారు. దర్శకుడు కూడా ఒకానొక సందర్భంలో షాక్ అయ్యాడు. ఇదేంటి సాయి పల్లవికి ఇంత క్రేజ్ ఉందేంటి అనేలా ఆయన యాంకర్ సుమ వంక చూశారు. ఇక ఆ తర్వాత మాట్లాడుతూ తనకు ఫోన్లో నెంబర్లు సేవ్ చేసుకునేటప్పుడు వాళ్ళ ఒరిజినల్ పేర్లు కాకుండా నిక్ నేమ్స్ తో సేవ్ చేసుకోవడం అలవాటని అలా సాయి పల్లవిని రియాలిటీ విషయంలో డాన్స్ కంటెస్టెంట్ గా చూసినప్పుడు హీరోయిన్ అని పదహారేళ్ళ వయసులో సేవ్ చేసుకున్నానని ఈరోజు ఆమె ఇండియాలోనే టాప్ హీరోయిన్స్ లో ఒకరిగా మారిందని చెప్పుకొచ్చారు. ఇక సాయి పల్లవి కోసం అభిమానులు ఎంతగా అరుస్తూ గోల చేస్తూ ఉన్నారో వారందరినీ చూస్తే ఈవెంట్ కవర్ చేస్తున్న మీడియాకి కూడా కాస్త షాకింగ్ గానే అనిపించింది. లేడీ పవర్ స్టార్ సాయి పల్లవి, లేడీ పవర్ స్టార్ సాయి పల్లవి అంటూ ఆడిటోరియం మొత్తాన్ని దద్దరిల్లేలా చేశారు ఆమె అభిమానులు.