అందరూ ఎదురుచూస్తున్న సినిమా “ఆర్ఆర్ఆర్” హవా అప్పుడే మొదలైపోయింది. ఈ చిత్రం 7 జనవరి 2022 నుండి థియేటర్లలో విడుదల కానున్న నేపథ్యంలో ప్రమోషన్స్ జోరుగా సాగుతున్నాయి. యూఎస్లో రికార్డు స్థాయిలో థియేటర్లలో విడుదల కానున్న “ఆర్ఆర్ఆర్” అడ్వాన్స్ బుకింగ్స్ ప్రారంభం అయ్యాయి. కొన్ని గంటల్లోనే అనేక ప్రాంతాల్లో హౌస్ ఫుల్ అయినట్టు సమాచారం. “ఆర్ఆర్ఆర్” యూఎస్ లో జనవరి 6 మధ్యాహ్నం నుండి విడుదల అవుతుంది.
Read Also : అత్తారింట్లో కత్రినా తొలి వంట.. విక్కీ రియాక్షన్ చూస్తే షాకే!
ఈ నేపథ్యంలో యూఎస్ఏ అంతటా ఉన్న ప్రముఖ సినిమా చైన్లు రాజమౌళి, జూనియర్ ఎన్టీఆర్ మరియు రామ్ చరణ్ల “ఆర్ఆర్ఆర్” కోసం ముందస్తు బుకింగ్లను ఓపెన్ చేశాయి. అనుకున్నట్లుగానే బుకింగ్స్ పరంగా ఈ చిత్రం కొత్త రికార్డులను సృష్టిస్తుంది. ‘ఆర్ఆర్ఆర్’ ప్రీమియర్ల ప్రీ సేల్స్ $175K జరిగాయి. ఈ చిత్రం కేవలం కొన్ని గంటల్లోనే $175K వసూలు చేయగలిగింది. మరే ఇతర తెలుగు సినిమా విడుదలకు ముందు అడ్వాన్స్ బుకింగ్స్ నుండి $175K వసూలు చేయలేదు. అడ్వాన్స్ బుకింగ్స్ విషయానికి వస్తే ‘ఆర్ఆర్ఆర్’ ఇప్పుడు సరికొత్త రికార్డులు సృష్టిస్తోంది.
