Romanchakam Overseas Review : రోమాంచకం ఓవర్సీస్ ప్రీమియర్ రివ్యూ

సందీప్ రెడ్డి వంగా సమర్పణలో ప్రణయ్ రెడ్డి వంగా నిర్మాతగా సంస్థ భద్రకాళి పిచ్చర్స్ బ్యానర్ పై సుమంత్ ప్రభాస్ హీరోగా తెరకెక్కిన చిత్రం రోమాంచకం. గత రాత్రి స్పెషల్ ప్రీమియర్స్ తో విడుదలైన ‘రోమాంచకం’ సినిమా ప్రేక్షకులను ఆకట్టుకోవడంలోకాస్త తడబడింది. సినిమా చాలా స్లోగా సాగుతూ  అక్కడక్కడ బోర్ కొట్టిస్తుంది. కథ, కథనాలు బలంగా లేకపోవడంతో పాటు, ఒక నాణ్యత లేని కృత్రిమ షార్ట్ ఫిలిం చూస్తున్న భావన ప్రేక్షకుడికి కలుగుతుంది. సన్నివేశాల చిత్రీకరణ కూడా ఏమాత్రం మెప్పించేలా లేదు.

ఈ చిత్రంలో సానుకూల అంశాల గురించి చెప్పుకోవాలంటే… ప్రథమార్ధంలోనూ, ద్వితీయార్ధంలోనూ వచ్చే కొన్ని కామెడీ సీన్లు మరియు డైలాగులు మాత్రమే అక్కడక్కడా నవ్విస్తాయి. అలాగే క్లైమాక్స్ సన్నివేశాలు కొంతవరకు ఆకట్టుకుంటాయి. అయితే ఇవి తప్ప మిగిలిన సినిమా అంతా ఎంతో సుదీర్ఘంగా, సాగదీసినట్లుగా అనిపిస్తుంది. సినిమాలో ప్రేమకథ ఉందంటే ఉందనే స్థాయిలో మాత్రమే ఉంది. బలహీనమైన రైటింగ్ వలన కథకు కనెక్ట్ అవలేరు. పూర్ ఎడిటింగ్ వల్ల విడివిడిగా తీసిన కొన్ని అస్తవ్యస్తమైన సన్నివేశాలను బలవంతంగా ఒకచోట కూర్చినట్లుగా  కనిపిస్తుంది. ఈ ఆకట్టుకోని చిత్రంలో నరేంద్ర రవి నటన ఒక్కటే నిజమైన ఊరట అని చెప్పాలి. తన అద్భుతమైన టైమింగ్, కామెడీతో ఆయన ఈ సినిమాను తన భుజాలపై మోసే ప్రయత్నం చేశారు. ఒకవేళ నరేంద్ర రవి గనుక ఈ చిత్రంలో లేకపోయి ఉంటే ఇది ప్రేక్షకులకు మరిన్ని తీవ్రమైన మానసిక ఆయాసాన్ని మిగిల్చేదనడంలో ఎలాంటి సందేహం లేదు. సాధారణంగా సందీప్ రెడ్డి వంగా ముద్ర ఉన్న చిత్రాలపై ప్రేక్షకుల్లో భారీ అంచనాలు ఉంటాయి. కానీ ఈ చిత్రం ఆయన ఎంచుకునే ప్రమాణాలకు ఎంతమాత్రం సరిపోలదు. మొత్తానికి ‘రోమాంచకం’ నిరాశపరిచే రొటీన్ చిత్రమని ప్రీమియార్స్ ఆడియెన్స్ నుండి వస్తున్న టాక్.