Rishab Shetty: కన్నడ హీరో రిషబ్ శెట్టి పేరు తెలుగులోనే కాదు అన్నిచోట్లా మారుమ్రోగుతోంది. ఒకే ఒక్క సినిమా రిషబ్ జీవితాన్ని మార్చేసింది. కాంతార సినిమాతో రిషబ్ దేశం మొత్తం సంచలనం సృష్టించాడు. అతనే దర్శకత్వం వహించి, నటించిన ఈ సినిమా రూ. 300 కోట్లు రాబట్టి ఇండస్ట్రీని షేక్ చేస్తోంది. ఇక ఈ సినిమా హిట్ అయ్యిన దగ్గరనుంచి రిషబ్ గురించి ఏ వార్త వచ్చినా అది సోషల్ మీడియాలో ట్రెండింగ్ గా మారిపోతోంది. ఇక తాజాగా రిషబ్ తాన్ ఫ్యామిలీ ఫోటోను అభిమానులతో షేర్ చేసుకున్నాడు.
భార్య ప్రగతి శెట్టి, ఇద్దరు పిల్లలతో ఎంతో ముచ్చటగా ఉంది కుటుంబం. దీపావళి సందర్భంగా ఈ ఫోటోను తీసినట్లు తెలుస్తోంది. పట్టు చీరలో ప్రగతి మెరిసిపోతుండగా సాంప్రదాయమైన దుస్తుల్లో రిషబ్ అదరగొట్టాడు. ముఖ్యంగా వారి పిల్లలు ఎంతో క్యూట్ గా ఉన్నారు. ఈ ఫోటోను చూసిన వారందరు అద్భుతమైన కుటుంబం అంటూ కామెంట్స్ పెడుతున్నారు. ఇకపోతే ప్రస్తుతం రిషబ్ ఆరు నెలలు విశ్రాంతి తీసుకుంటున్నట్లు తెలిపిన విషయం విదితమే. ఈ విశ్రాంతి తరువాత కాంతార 2 మీద ఫోకస్ పెట్టనున్నట్లు తెలుస్తోంది. మరి పార్ట్ 2 లో రిషబ్ ఎలాంటి కథను చూపించనున్నాడో చూడాలి.