RGV: చంద్రబాబు నాయుడుకి ఎన్టీఆర్ సపోర్ట్… వర్మ సెన్సేషనల్ ట్వీట్

మాజీ ముఖ్యమంత్రి ప్రతిపక్ష నాయకుడు చంద్రబాబు నాయుడు అరెస్ట్ తో ఆంధ్రప్రదేశ్ రాష్ట్ర రాజకీయాలు ఒక్కసారిగా వేడెక్కాయి. ప్రస్తుతం చంద్రబాబు నాయుడు 14 రోజుల రిమాండ్ లో ఉన్నారు, ఈరోజు హైకోర్టులో క్వాష్ పిటీషన్ వేయనున్నారు. బెయిల్ కి వెళ్లకుండ క్వాష్ కి పిటీషన్ కి వెళ్తున్న చంద్రబాబు నాయుడుని ములాఖత్ లో లోకేష్, భూవనేశ్వరి కలిసొచ్చారు. ఇక చంద్రబాబు నాయుడు అరెస్ట్ అయినప్పటి నుంచి సోషల్ మీడియాలో సెన్సేషనల్ ట్వీట్స్ చేస్తున్న వివాదాస్పద దర్శకుడు రామ్ గోపాల్ వర్మ… మరోసారి చంద్రబాబు నాయుడుకి జూనియర్ ఎన్టీఆర్ సపోర్ట్ ఇవ్వడంపై చేసిన ట్వీట్ వైరల్ అవుతోంది.

“చంద్రబాబు నాయుడు అరెస్టుని ఎన్టీఆర్ ఖడించక పోవడం చూస్తుంటే టీడీపీ భవిషత్తు దబ్బిడి దిబ్బిడి అయ్యేలా కనిపిస్తుంది” అంటూ రామ్ గోపాల్ వర్మ, ఎన్టీఆర్ కి ట్యాగ్ చేసి మరీ ట్వీట్ చేసాడు. ప్రస్తుతం వర్మ చేసిన ట్వీట్ సోషల్ మీడియాలో ట్రెండ్ అవుతోంది. ఆర్జీవీ అనే కాదు నందమూరి ఫ్యాన్స్ కూడా ఎన్టీఆర్, చంద్రబాబు నాయుడు అరెస్ట్ విషయంలో స్పందించాలని కోరుకుంటున్నారు. ఎన్టీఆర్ తో పాటు కళ్యాణ్ రామ్ కూడా ఈ విషయంలో సైలెంట్ గా ఉన్నారు. ఈ ఇద్దరు అభిమానుల మనోభావాలు, క్యాడర్ మనోభావాలు అనే ఆలోచనలని పూర్తిగా పక్కన పెట్టేసి సినిమాల షూటింగ్స్ చేసుకుంటూ ఉన్నారు. దీంతో ఒక వర్గం నందమూరి ఫ్యాన్స్ ఎన్టీఆర్-కళ్యాణ్ రామ్ లపై అప్సెట్ అయ్యి ఉన్నారు.

The fact that @tarak9999 dint even care about condemning @ncbn ‘s arrest clearly proves that future of TDP is DABIDI DIBIDI

— Ram Gopal Varma (@RGVzoomin) September 13, 2023