KGF 2 and Salaar : భారీ డీల్… రికార్డు ధరకు రెండు సినిమాల రైట్స్

KGF 2 and Salaar రెండు భారీ చిత్రాలకూ ఒక్కరే డైరెక్టర్. యంగ్ డైరెక్టర్ ప్రశాంత్ నీల్ దర్శకత్వంలో రూపొందుతున్న ఈ రెండు సినిమాల రైట్స్ భారీ ధరకు అమ్ముడయ్యాయి. KGF : chapter 1 దేశవ్యాప్తంగా సంచలనం సృష్టించిన విషయం తెలిసిందే. ఈ సినిమా ఎఫెక్ట్ తో దర్శకుడు ప్రశాంత్ నీల్‌కు, ఆయన సినిమాలకు భారీ డిమాండ్ ఏర్పడింది. ఇప్పుడు ఆయన తెరకెక్కించిన KGF: chapter 2 షూటింగ్ పూర్తయ్యింది. ఈ చిత్రం వేసవిలో ఏప్రిల్ 14న విడుదలవుతుందని ప్రకటించారు. KGF 2లో యష్, శ్రీనిధి శెట్టి ప్రధాన పాత్రలు పోషించారు.

Read Also : NBK107 : శాండల్ వుడ్ సెన్సేషన్ పవర్ ఫుల్ రోల్ రివీల్

మరోవైపు ప్రభాస్, శృతి హాసన్ ప్రధాన పాత్రల్లో ప్రశాంత్ నీల్ “సలార్” అనే చిత్రాన్ని తెరకెక్కిస్తున్నాడు. ఇక KGF 2 and Salaar రైట్స్ కు సంబంధించిన డీల్స్ ను ఇటీవల ముగించారు. “సలార్” యాక్షన్ థ్రిల్లర్, ప్రభాస్ ఇందులో మాఫియా డాన్ పాత్రలో నటిస్తున్నాడు. ఏప్రిల్ చివరి నాటికి ‘సలార్’ షూటింగ్ పార్ట్‌లు పూర్తవుతాయి. ఈ రెండు ప్రాజెక్టులను హోంబలే ఫిల్మ్స్ నిర్మిస్తోంది. ఈ రెండు భారీ చిత్రాల ఓవర్సీస్ హక్కులను 100 కోట్ల రూపాయలకు ఫార్స్ ఫిల్మ్స్ సొంతం చేసుకుంది. బాహుబలి, ఆర్ఆర్ఆర్ మినహా ఇంతటి భారీ డీల్ అందుకున్న ఘనత ఈ రెండు చిత్రాలకే దక్కింది.