RC 15: సిఈవో వస్తున్నాడు… ఆ సినిమా డబ్బులన్నీ జనసేనకే?

ఆర్ ఆర్ ఆర్ సినిమాతో వచ్చిన గ్లోబల్ ఇమేజ్ ని ఎంజాయ్ చేస్తున్న చరణ్, ప్రస్తుతం క్రియేటివ్ డైరెక్టర్ శంకర్ తో కలిసి పాన్ ఇండియా సినిమా చేస్తున్నాడు. దిల్ రాజు ప్రొడ్యూస్ చేస్తున్న ఈ మూవీకి ‘RC 15’ అనే వర్కింగ్ టైటిల్ లో పెట్టి షూట్ చేస్తున్నారు. ప్రతి నెలలో పన్నెండు రోజులు మాత్రమే షూటింగ్ జరుపుకుంటున్న ఈ మూవీపై సినీ అభిమానులందరిలోనూ భారి అంచనాలు ఉన్నాయి. జెట్ స్పీడ్ లో షూటింగ్ జరుపుకుంటున్న ఈ మూవీ కొత్త షెడ్యూల్ స్టార్ట్ అవ్వాల్సి ఉంది. ఇదిలా ఉంటే RC 15 సినిమా టైటిల్ అండ్ ఫస్ట్ లుక్ పోస్టర్ ని మేకర్స్ మార్చ్ 27న రిలీజ్ చెయ్యడానికి ప్లాన్ చేస్తున్నారని సమాచారం. ఆరోజు చరణ్ బర్త్ డే ఉంది కాబట్టి ఫస్ట్ లుక్ ని లాంచ్ చేసి అఫీషియల్ గా ప్రమోషన్స్ ని కూడా మొదలుపెట్టడానికి మేకర్స్ ప్లాన్ చేస్తున్నారు. సోషల్ మీడియాలో వినిపిస్తున్న రూమర్స్ ప్రకారం, ఈ పాన్ ఇండియా సినిమాకి ‘సీఈవో’ (చీఫ్ ఎలెక్టోరల్ ఆఫీసర్) అనే టైటిల్ ని ఫిక్స్ చేసారట. ఈ టైటిల్ ని రివీల్ చేస్తూ ఫస్ట్ లుక్ పోస్టర్ తో పాటు ఒక గ్లిమ్ప్స్ ని కూడా మేకర్స్ రిలీజ్ చెయ్యడానికి ప్లాన్ చేస్తున్నారని సమాచారం.

మార్చ్ 27న RC 15 టైటిల్ రివీల్ తో పాటు, మగధీర సినిమా కూడా రీరిలీజ్ అవ్వాల్సి ఉంది. అయితే మగధీర సినిమాని ఆపేసి, ఆరెంజ్ సినిమాని రీరిలీజ్ చెయ్యడానికి సన్నాహాలు జరుగుతున్నాయి. రిలీజ్ అయిన సమయంలో ఫ్లాప్ అయిన ఆరెంజ్ మూవీ ఓవర్ ఏ పీరియడ్ ఆఫ్ టైంకి కల్ట్ స్టేటస్ ని సొంతం చేసుకుంది. ఎన్నో ఏళ్లుగా ఆరెంజ్ మూవీని రీరిలీజ్ చెయ్యమని ఫాన్స్ అడుగుతున్నారు. ఎట్టకేలకు ఇప్పుడు ఆరెంజ్ సినిమా థియేటర్స్ లోకి రానుంది. ఈ మూవీని చూడడానికి మెగా అభిమానులు ఎగ్జైటింగ్ గా ఉంటారు. అయితే ఆరెంజ్ సినిమా స్పెషల్ షోకి వచ్చే డబ్బులు అన్నింటినీ జనసేన పార్టీ ఫండ్ కి ఇవ్వాలని మెగా అభిమానులు నిర్ణయం తీసుకున్నారు. మరి ఆరెంజ్ సినిమా ఎంత కలెక్ట్ చేస్తుంది? కల్ట్ క్లాసిక్ ఇమేజ్ ఉన్న ఆరెంజ్ ఎంత హిట్ అవుతుంది అనేది చూడాలి.