యాక్షన్ మోడ్ లో ‘రామారావు ఆన్ డ్యూటీ’

మాస్ మహారాజ రవితేజ నటిస్తున్న వరుస చిత్రాలలో ‘రామారావు ఆన్ డ్యూటీ’ ఒకటి. నూతన దర్శకుడు శరత్ మండవ దర్శకత్వం వహిస్తున్న ఈ సినిమా షూటింగ్ చివరి దశలో ఉంది. అవుట్ అండ్ అవుట్ యాక్షన్ ఎంటర్టైనర్ గా తెరకెక్కుతున్న ఈ సినిమా ఫస్ట్ లుక్ తోనే అందరి దృష్టిని ఆకర్షించారు మేకర్స్. ఈరోజు రవితేజ పుట్టినరోజు సందర్భంగా ‘రామారావు ఆన్ డ్యూటీ’ నుంచి సరికొత్త పోస్టర్ ను విడుదల చేశారు మేకర్స్. ఈ బర్త్ డే పోస్టర్ లో రవితేజ ఫుల్ యాక్షన్ మోడ్ లో కనిపిస్తున్నాడు. ఈ పోస్టర్ చూస్తుంటే సినిమాలో ట్రైన్ సన్నివేశం కీలకమని తెలుస్తోంది. అలాగే మూవీలో రొమాంటిక్ ట్రాక్ తో పాటు ఫ్యామిలీ ఎంటర్టైనింగ్ అంశాలు ఉన్నట్టు పోస్టర్ లోనే స్పష్టమవుతోంది. ఈ చిత్రంలో ఆయన దూకుడు స్వభావం కలిగిన నిజాయితీ గల ప్రభుత్వ అధికారిగా కన్పించబోతున్నట్టు ఫస్ట్ లుక్ పోస్టర్ లోనే స్పష్టం చేశారు మేకర్స్.

Read Also : బిగ్ అప్డేట్ : లవర్స్ డే రోజున “సర్కారు వారి పాట” ట్రీట్

కాగా దివ్యాంశ కౌశిక్, రజిషా విజయన్ కథానాయికలుగా నటిస్తున్న ఈ యాక్షన్ మూవీలో వేణు తొట్టెంపూడి కీలక పాత్రలో కనిపించనున్నారు. ఎస్ఎల్వీ సినిమాస్ ఎల్ఎల్పి, ఆర్టి టీమ్‌వర్క్స్ సంయుక్తంగా నిర్మిస్తున్న ఈ చిత్రానికి సామ్ సిఎస్ సంగీతం అందించారు. “రామారావు ఆన్ డ్యూటీ” 2022 మార్చి 25న వెండి తెరపైకి రానుంది.