Dhurandhar 2: ఓటీటీలోకి వచ్చినా తగ్గని జోరు.. 100 రోజుల థియేటర్ రన్‌తో మరో రికార్డు

Dhurandhar 2 : ఈ రోజుల్లో ఒక సినిమా థియేటర్లలో హిట్ టాక్ సొంతం చేసుకోవడం పెద్ద విషయంగా మారింది. అలాంటిది ఓటీటీలోకి వచ్చిన తర్వాత కూడా ప్రేక్షకులు థియేటర్లకు వెళ్లి అదే సినిమాను చూసే పరిస్థితి ఏర్పడితే అది నిజంగా విశేషమనే చెప్పాలి. ఇప్పుడు రణవీర్ సింగ్ నటించిన స్పై థ్రిల్లర్ ‘ధురందర్ 2: ది రివెంజ్’ అదే రూట్ లో వెళ్తోంది. థియేటర్లలో ఇప్పటికే 100 రోజులు పూర్తి చేసుకున్న ఈ చిత్రం, డిజిటల్ ప్లాట్‌ఫామ్‌లో అందుబాటులోకి వచ్చిన తర్వాత కూడా బాక్సాఫీస్ వద్ద తన ప్రభావాన్ని కొనసాగిస్తోంది. ఆదిత్య ధర్ దర్శకత్వంలో రూపొందిన ఈ స్పై యాక్షన్ థ్రిల్లర్ విడుదలైనప్పటి నుంచే భారీ స్పందనను అందుకుంది. థ్రిల్లింగ్ యాక్షన్ సన్నివేశాలు, వేగవంతమైన కథనం, రణవీర్ సింగ్ నటన ఈ చిత్రాన్ని ప్రేక్షకులకు మరింత దగ్గర చేశాయి. దీంతో సినిమా మొదటి రోజు నుంచే మంచి వసూళ్లను నమోదు చేస్తూ బాక్సాఫీస్ వద్ద దూసుకెళ్లింది. థియేటర్లలో 100 రోజుల ప్రదర్శన పూర్తి చేసుకోవడం ద్వారా ఈ సినిమా మరో మైలురాయిని చేరుకుంది.

ఈ చిత్రం ప్రపంచవ్యాప్తంగా సుమారు 1813 కోట్ల గ్రాస్ వసూలు చేసినట్లు ట్రేడ్ వర్గాలు పేర్కొంటున్నాయి. అంతేకాదు భారతీయ సినీ పరిశ్రమలో అత్యధిక వసూళ్లు సాధించిన చిత్రాల జాబితాలో రెండో స్థానానికి చేరుకుందనే సమాచారం కూడా వినిపిస్తోంది. ఈ విజయాన్ని పురస్కరించుకుని ఈ సినిమాకు మద్దతుగా నిలిచిన జియో స్టూడియోస్ తమ అధికారిక ఇన్‌స్టాగ్రామ్ ఖాతాలో ప్రత్యేక పోస్టును పంచుకుంది. థియేటర్లలో ప్రేక్షకుల ఆదరణతో సినిమా 100 రోజుల ప్రయాణాన్ని పూర్తి చేసుకుందని పేర్కొంటూ అభిమానులకు కృతజ్ఞతలు తెలిపింది. ఈ పోస్టు సోషల్ మీడియాలో వైరల్ కావడంతో అభిమానులు కూడా చిత్ర బృందానికి అభినందనలు తెలియజేస్తున్నారు.

2026 మార్చి 19న థియేటర్లలో విడుదలైన ‘ధురందర్ 2: ది రివెంజ్’, 2025 డిసెంబర్ 5న విడుదలైన ‘ధురందర్’ చిత్రానికి సీక్వెల్‌గా తెరకెక్కింది. సీక్వెల్ కావడంతో మొదటి భాగం అభిమానుల్లో మంచి అంచనాలు ఉండగా, ఆ అంచనాలను మించి ‘ధురందర్ 2: ది రివెంజ్’ ప్రయాణం సాగింది. ప్రస్తుతం ఈ చిత్రం ఓటీటీ ప్లాట్‌ఫామ్‌లో కూడా అందుబాటులో ఉన్నప్పటికీ, థియేటర్లలో ప్రదర్శన కొనసాగుతుండటం విశేషంగా మారింది. సాధారణంగా ఓటీటీ విడుదల తర్వాత థియేటర్ రన్ మందగించే పరిస్థితులు కనిపిస్తుంటాయి. అయితే ఈ చిత్రానికి మాత్రం డిజిటల్ విడుదల ప్రభావం పెద్దగా పడలేదనే అభిప్రాయం వ్యక్తమవుతోంది. ఇదే కారణంగా కొత్త సినిమాలతో పోటీ పడుతూ కూడా ఈ స్పై థ్రిల్లర్ ప్రేక్షకులను థియేటర్లకు రప్పించడం విశేషం. ఈ చిత్రం మొదట జియోహాట్‌స్టార్‌లో, ఆ తర్వాత నెట్‌ఫ్లిక్స్‌లో ఓటీటీ ప్లాట్‌ఫామ్‌లపై విడుదలైంది. ఈ రెండు ప్లాట్‌ఫామ్‌లలో విడుదలైన వెంటనే ఇది నెం. 1 స్థానంలో ట్రెండింగ్‌లో నిలవడం విశేషం.

*100 Days and Counting: The Unstoppable Success of Dhurandhar The Revenge*

Dhurandhar The Revenge has achieved a remarkable milestone by completing 100 days in cinemas, reaffirming its status as one of the biggest blockbusters!

Driven by its gripping storytelling, high-octane… pic.twitter.com/QU1T4vg2mq

— Saravanaravikumar (@Saravanaspb) June 27, 2026