Cirkus Trailer: ఊహించని సర్ప్రైజ్ ఇచ్చారు…

బాలీవుడ్ నెక్స్ట్ జనరేషన్ సూపర్ స్టార్ అనే పేరు తెచ్చుకున్న హీరో ‘రణవీర్ సింగ్’. కమర్షియల్ సినిమాలకి కేరాఫ్ అడ్రెస్ గా నిలుస్తున్న దర్శకుడు ‘రోహిత్ శెట్టి’. ఈ ఇద్దరి కలయికలో ఇప్పటికే ‘సింబా’ సినిమా వచ్చి సూపర్ హిట్ అయ్యింది. ఆ తర్వాత రోహిత్ శెట్టి డైరెక్ట్ చేసిన ‘సూర్యవన్షీ’ సినిమాలో కూడా రణవీర్ సింగ్ ఒక స్పెషల్ క్యామియో ప్లే చేసి అట్రాక్ట్ చేశాడు. రణవీర్ సింగ్ ఎనర్జీకి, రోహిత్ శెట్టి స్టైల్ ఆఫ్ మేకింగ్ పర్ఫెక్ట్ గా సెట్ అయ్యిందంటూ కాంప్లిమెంట్స్ వచ్చాయి. ఈ నేపధ్యంలో ఈ హీరో అండ్ డైరెక్టర్ నుంచి వచ్చే రెండో సినిమాపై మంచి అంచనాలే ఉన్నాయి. ఈ అంచనాలకి తగ్గట్లే రణవీర్ సింగ్, రోహిత్ శెట్టిలు కలిసి ‘సర్కస్’ సినిమా చేస్తున్నారు. ఈ మూవీలో రణవీర్ సింగ్ తన కెరీర్ లో మొదటిసారి ద్విపాత్రాభినయం చేస్తున్నాడు.

క్లీన్ ఫ్యామిలీ ఎంటర్టైనర్ గా తెరకెక్కిన ‘సర్కస్’ సినిమా ట్రైలర్ ని మేకర్స్ రిలీజ్ చేశారు. మూడున్నర నిమిషాల నిడివితో కట్ చేసిన ట్రైలర్, స్టార్ట్ టు ఎండ్ నవ్వించింది. రణవీర్ సింగ్ కి కరెంట్ తగిలినా షాక్ కొట్టదు అనే ఫాంటసీ ఎలిమెంట్ ని తీసుకోని, రోహిత్ శెట్టి నవ్వులు పూయించాడు. ట్రైలర్ ఎక్కువ సేపు చూస్తున్న ఫీలింగ్ రాకుండా మంచి మంచి కామెడీ బిట్స్ తో నింపేశారు. హీరో, హీరోయిన్స్, ఆర్టిస్టులు అనే తేడా లేకుండా ప్రతి ఒక్కరితో కామెడీ చేయించాడు రోహిత్ శెట్టి. రిచ్ ప్రొడక్షన్ వాల్యూస్ తో, కలర్ ఫుల్ గా కనిపిస్తున్న ‘సర్కస్’ ట్రైలర్ లో రెండు సర్ప్రైజ్ లు ఉన్నాయి. అందులో ఒకటి ‘గోల్ మాల్’ సినిమా లింక్, ఇంకొకటి ట్రైలర్ ఎండ్ అయ్యే టైంలో ‘దీపికా పదుకొణే’ ఎంట్రీ. దీపిక ‘సర్కస్’ సినిమాలో ఒక స్పెషల్ సాంగ్ చేసింది. రణవీర్ సింగ్, దీపికా కలిసి డాన్స్ చేయడం ట్రైలర్ కే హైలైట్ గా నిలించింది. మొత్తానికి ఫుల్ లెంగ్త్ కామెడీ ఎంటర్టైనర్ ని చూపించబోతున్నాం అని ట్రైలర్ తోనే చెప్పేశారు ‘సర్కస్’ టీం.

పూజా హెగ్డే హీరోయిన్ గా నటిస్తున్న ‘సర్కస్’ మూవీ షూటింగ్ ఇప్పటికే కంప్లీట్ అయ్యింది. డిసెంబర్ 23న మీ ఫ్యామిలీ నవ్వించడానికి వస్తున్నాం అంటూ మేకర్స్  ప్రమోషన్స్ చేస్తున్నారు. రోహిత్ శెట్టి నిర్మాతగా కూడా వ్యవహరిస్తున్న సర్కస్ మూవీలో రణవీర్ సింగ్ డ్యూయల్ రోల్ ప్లే చేస్తున్నాడు. మరి ట్రైలర్ తోనే మెప్పించిన రోహిత్ శెట్టి అండ్ టీం ఈ ఇయర్ కి సాలిడ్ ఎండింగ్ ఇస్తారేమో చూడాలి.