Ram Setu Trailer:ప్రస్తుతం బాలీవుడ్ ఆశలన్నీ రామ్ సేతుపైనే ఉన్నాయి అంటే అతిశయోక్తి కాదు. స్టార్ హీరో అక్షయ్ కుమార్, జాక్వలిన్ పెర్నాండజ్ జంటగా అభిషేక్ శర్మ దర్శకత్వం వహించిన చిత్రం రామ్ సేతు. కేప్ ఆఫ్ గుడ్ ఫిలింస్ అబుడాంటియా ఎంటర్ టైన్ మెంట్స్ అమెజాన్ ప్రైమ్ వీడియో లైకా ప్రొడక్షన్స్ సంయుక్తంగా ఈ మూవీని నిర్మిస్తున్నాయి. ఇక ఈ చిత్రంతో టాలీవుడ్ యంగ్ హీరో సత్యదేవ్ బాలీవుడ్ లోకి అడుగుపెడుతున్నాడు. ఇప్పటికే ఈ చిత్రం నుంచి రిలీజైన పోస్టర్స్, టీజర్ ప్రేక్షకులను విశేషంగా ఆకట్టుకున్నాయి. ఇక తాజాగా ఈ సినిమా ట్రైలర్ ను మేకర్స్ రిలీజ్ చేశారు. ట్రైలర్ ఆద్యంతం ఆకట్టుకుంటుంది. “ఈ దేశం శ్రీ రాముడిపై నమ్మకంతో నడుస్తోంది..” అంటూ నాజర్ చెప్పే డైలాగ్ తో ట్రైలర్ ప్రారంభమయ్యింది. కొన్నేళ్ల క్రితం రామ్ సేతును కూల్చడానికి ప్రభుత్వం సుప్రీం కోర్టును ఆశ్రయించిన విషయం విదితమే. ఇక ఆ ఘటనను కూడా ఇందులో చూపించారు.
ఇక శ్రీరాముడిపై ఉన్న నమ్మకాన్ని వమ్ము చేయడానికి నాజర్ బృందం ఆర్కియాలజిస్ట్ అక్షయ్ కుమార్ ను రంగంలోకి దించుతారు. అయితే ఆ మెషిన్ ఏంటి..? దానివెనుక ఎవరు ఉన్నారు అనేది తెలియని అక్షయ్ టీమ్ వారు చెప్పింది చేయడానికి బయల్దేరతారు. ఇక మధ్యలో వారికి తెల్సిన నిజాలు ఏంటి..? రామ్ సేతును నాశనం చేయడానికి పూనుకున్నది ఎవరు..? దానివలన వారికి కలిగే లాభం ఏంటి అనేది సినిమా కథగా తెలుస్తోంది. ఆర్కియాలజిస్ట్ గా అక్షయ్ తన పాత్రలో లీనమైపోయాడు. అతడికి తోడుగా జాక్వలిన్, సత్యదేవ్ కనిపించారు. మొత్తానికి ట్రైలర్ తోనే సినిమాపై ఆసక్తిని పెంచేశారు. ఇక ఈ సినిమా అన్ని భాషల్లో దీపావళీ కానుకగా రానుంది. మరి ఈ సినిమా ఎలాంటి విజయాన్ని అందుకుంటుందో చూడాలి.
