Ram Pothineni : సింపుల్ పోస్ట్‌తో.. హిస్టరీ క్రియేట్ చేసిన రామ్

తెలుగు సినీ ఇండస్ట్రీలో ఎనర్జిటిక్ స్టార్ రామ్ పోతినేని తన ప్రత్యేకమైన స్టైల్‌తో, ఎనర్జీతో, యూత్‌కి కనెక్ట్ అయ్యే రోల్స్‌తో మంచి ఫ్యాన్ బేస్‌ను సంపాదించుకున్నాడు. సినిమాల్లో మాత్రమే కాదు, సోషల్ మీడియాలో కూడా రామ్‌కి ఉన్న క్రేజ్ రోజురోజుకూ పెరుగుతోంది. ఆ క్రేజ్ ఎంత స్థాయిలో ఉందో తాజాగా ఆయన ఒక చిన్న పోస్ట్‌తోనే నిరూపించాడు.

Also Read : SSMB 29: అరగంటకు రెండు కోట్ల సెట్ వృధా..

ఇటీవల రామ్ ఇన్‌స్టాగ్రామ్‌లో షేర్ చేసిన ఒక సాధారణ పిక్‌కి ఊహించని విధంగా రిస్పాన్స్ వచ్చింది. ఎలాంటి సినిమా ప్రమోషన్ లేకుండా, కేవలం తన ఫోటో మాత్రమే పోస్ట్ చేయగా, అది రికార్డ్ స్థాయిలో లైక్స్ సంపాదించింది. ఈ సింపుల్ పోస్ట్‌కు దాదాపు 7.6 మిలియన్ లైక్స్ రావడం విశేషం. ఇదే రామ్‌ను టాలీవుడ్‌లో సోషల్ మీడియాలో హయ్యెస్ట్ లైక్స్ సాధించిన స్టార్‌గా నిలబెట్టింది. ఎందుకంటే టాలీవుడ్‌లోని ఇతర స్టార్ హీరోలతో పోల్చినా, ఇది అత్యధిక లైక్స్ సాధించిన పోస్ట్‌గా రికార్డు సృష్టించింది. దీంతో సోషల్ మీడియాలో రామ్‌కి ఉన్న పాపులారిటీపై చర్చ మొదలైంది. ఇక సినిమాల విషయానికి వస్తే, ప్రస్తుతం రామ్ “ఆంధ్ర కింగ్” అనే చిత్రంతో ప్రేక్షకుల ముందుకు రాబోతున్నాడు. ఈ మూవీ పై భారీ అంచనాలు ఉండగా, రామ్ సోషల్ మీడియాలో క్రియేట్ చేసిన ఈ రికార్డు సినిమాకి మరింత బజ్ తీసుకొచ్చింది. మొత్తానికి, ఒక సింపుల్ పోస్ట్‌తోనే రామ్ పోతినేని టాలీవుడ్ సోషల్ మీడియా కింగ్ అని నిరూపించుకున్నారు.