Ram Charan: బుచ్చిబాబు వల్లే నా చేతికి గాయమైంది

మోస్ట్ వయొలెంట్ అండ్ ఎమోషనల్ స్పోర్ట్స్ డ్రామా ‘పెద్ది’. ఈ సినిమా కోసం గ్లోబల్ స్టార్ రామ్ చరణ్ పడుతున్న కష్టం అంతా ఇంతా కాదు. సరికొత్త మేకోవర్‌తో, మట్టిలో దొర్లుతూ ఆయన కనిపిస్తున్న తీరు చూస్తుంటేనే.. వెండితెర మీద ఎలాంటి విధ్వంసం సృష్టించబోతున్నాడో అర్థమవుతోంది. అయితే, ఈ సినిమా షూటింగ్ సమయంలో చరణ్ మణికట్టుకు తీవ్ర గాయమైంది. ఈ మేరకు వీడియోలలో చూసిన అభిమానులు తీవ్ర ఆందోళనకు గురయ్యారు. అసలు ఆ గాయం ఎలా జరిగింది? దీని వెనుక ఉన్న అసలు కథ ఏంటి? అనే దానిపై తాజాగా మెగా పవర్ స్టార్ స్వయంగా ఒక ఆసక్తికరమైన విషయాన్ని బయటపెట్టారు. సినిమాల్లో యాక్షన్ సీక్వెన్స్‌లు అంటే సాధారణంగా డూప్‌లను వాడటం లేదా ట్రెయిన్డ్ ఫైటర్స్‌తో జాగ్రత్తగా షూట్ చేయడం చూస్తుంటాం. రామ్ చరణ్ కూడా దర్శకుడు బుచ్చిబాబు సనాకు ముందుగా ఇదే సలహా ఇచ్చారట.

“యాక్షన్ ఎపిసోడ్స్ తీసేటప్పుడు ఎవరైనా ట్రెయిన్డ్ ఆర్టిస్టులను కానీ, ప్రొఫెషనల్ ఫైటర్లను కానీ పెట్టుకుందాం.. ఫైట్స్ సేఫ్‌గా వస్తాయి” అని చరణ్ ముందే చెప్పారట. కానీ, మన డైరెక్టర్ మాత్రం రొటీన్‌కు భిన్నంగా ఆలోచించాడు. సినిమాలో ఎక్కడా ఆర్టిఫిషియల్ ఫీల్ రాకూడదని, ప్రతి సీన్ వంద శాతం న్యాచురల్‌గా ఉండాలని బుచ్చిబాబు గట్టిగా ఫిక్స్ అయిపోయాడు. దీంతో ఏకంగా ఏరికోరి మరీ ‘నిజమైన పహిల్వాన్లను’ రంగంలోకి దించాడు. కెమెరా ముందు కేవలం నటిస్తున్నట్లు కాకుండా, నిజంగానే ప్రాణాలు పణంగా పెట్టి కుస్తీ పడుతున్నట్లు ఆ సీన్స్ డిజైన్ చేశారు. ఏమాత్రం సినిమా బ్యాక్‌గ్రౌండ్ లేని ఆ కండల వీరులతో, రియల్ టైమ్ కుస్తీ ఫైట్స్ చేయడం వల్లే రామ్ చరణ్ మణికట్టుకు బలమైన గాయమైంది. “సినిమాలో ఆ న్యాచురాలిటీ ఎక్కడా మిస్ అవ్వకూడదనే ఉద్దేశ్యంతో బుచ్చిబాబు రియల్ పహిల్వాన్లనే తీసుకొచ్చాడు.. వారితో హోరాహోరీగా తలపడటం వల్లే నా చేతికి అలా గాయమైంది” అంటూ చరణ్ స్వయంగా ఆనాటి సంఘటనను గుర్తుచేసుకున్నారు.