Rakkayie Title Teaser : భయంకర విలన్లపై నయనతార ఊచకోత

Rakkayie Title Teaser : లేడీ సూపర్ స్టార్, హీరో ధనుష్ మధ్య నడుస్తోన్న వివాదం కోలీవుడ్ లో హాట్ టాపిక్ అయింది. నయనతార లైఫ్ స్టోరీకి సంబంధించిన డాక్యుమెంటరీ ఫిల్మ్ తాజాగా నెట్ ఫ్లిక్స్ లో స్ట్రీమింగ్ కు వచ్చేసింది. ఈ డాక్యుమెంటరీలో విఘ్నేష్ శివన్ దర్శకత్వంలో విజయ్ సేతుపతి, నయన్ జంటగా నటించిన ‘నేను రౌడీనే’ సినిమాకి సంబందించిన ఒక చిన్న వీడియో క్లిప్ ఉపయోగించారు. ఈ చిత్రాన్ని హీరో ధనుష్ నిర్మించారు. తన అనుమతి లేకుండా వీడియో క్లిప్ ఉపయోగించడంపై ధనుష్ నయన్ కి లీగల్ నోటీసులు అందజేశారు. రూ.10 కోట్లు పరిహారంగా ఇవ్వాలని నోటీసులో డిమాండ్ చేశారు. దీనిపై నయన్ ఘాటుగా రియాక్ట్ అయ్యారు. ధనుష్ పైన తీవ్రవిమర్శలు చేశారు. ఇక నయన్ ఓపెన్ లెటర్ పై ధనుష్ అభిమానులు రియాక్ట్ అయి ఆమెని టార్గెట్ చేస్తున్నారు. మరో వైపు నయనతార అభిమానులు కూడా ధనుష్ ఫ్యాన్స్ కి సీరియస్ గానే కౌంటర్లు ఇస్తున్నారు. ఈ ఇష్యూ ఇప్పుడు సోషల్ మీడియాలో హాట్ టాపిక్ గా నడుస్తోంది.

Read Also:Eatala Rajendar: 144 సెక్షన్ పెట్టి అక్కడికి వెళ్లకుండా ఆపుతున్నారు..

ఇలాంటి సమయంలో నయన్ పుట్టిన రోజు సందర్భంగా ఆమె కొత్త సినిమా టైటిల్ టీజర్ రిలీజ్ చేసింది చిత్ర యూనిట్. ముందుగా ఆమె యుద్ధం ప్రకటించిందంటూ ఓ పోస్టర్ ను మేకర్స్ ట్విట్టర్లో పోస్ట్ చేశారు. ఈ పోస్టర్ హీరో ధనుష్ ని ఉద్దేశించి ఆమె హెచ్చరికగా ఉందంటూ నయనతార అభిమానులు కామెంట్స్ చేస్తున్నారు. దీనికి ధనుష్ ఫ్యాన్స్ కౌంటర్లు ఇస్తున్నారు. ఇదిలా ఉంటే తాజాగా ఈ కొత్త సినిమా టైటిల్ టీజర్ రిలీజ్ అయింది. ‘రక్కాయీ’ టైటిల్ తో సెంథిల్ దర్శకత్వంలో రూపొందుతున్న ఈ మూవీ టీజర్ లో నయనతారని ఓ బిడ్డకు తల్లిగా చూపించారు. ఆమె ఒక గుడిసెలో నివసిస్తుంది. అక్కడికి ఆమెని చంపడానికి రౌడీ మూకలు తరలి వస్తుంటారు. గుడిసెలో బిడ్డ ఊయల్లో ఏడుస్తూ ఉంటుం. మిరపకాయలు రోకలిలో దంచుతుంది. తరువాత బిడ్డకి పాలు పట్టి ఒక కొడవలిని వెదురు కర్రకి కట్టి బయటకొచ్చి ఎదురుగా నిల్చుంటుంది.

Read Also:DK Aruna: సీఎంకు ఫార్మా కంపెనీలపై అంత ప్రేమ ఎందుకు..?

తనపై దాడి చేయడానికి వచ్చే వారి మీద ఎదురుదాడి చేసి ఊచకోత కోస్తుంది. గోవింద్ వసంత పవర్ ఫుల్ ఎలివేషన్ మ్యూజిక్ తో అదిరిపోయే విజువల్స్ తో ఈ టీజర్ ఉంది. టీజర్ లో నయనతార లుక్స్ కూడా పవర్ ఫుల్ గా ఉన్నాయి. ఈ టీజర్ చూస్తుంటే పీరియాడికల్ యాక్షన్ మూవీ అని అర్థం అవుతోంది. డ్రమ్ స్టిక్స్ ప్రొడక్షన్స్, మూవీవెర్స్ ఇండియా సంయుక్తంగా ఈ సినిమాను తెరకెక్కిస్తున్నాయి. మూవీ టీజర్ ద్వారా రక్కాయీతో నయనతార ఏదో పెద్ద టార్గెట్ వేసిందని అర్థం అవుతుంది.