ఎన్టీఆర్ షోకు గెస్ట్ గా రాజమౌళి, కొరటాల

ఎన్టీఆర్ హోస్ట్ గా చేస్తున్న బుల్లితెర షో “ఎవరు మీలో కోటీశ్వరుడు” ప్రసారం అవుతున్న విషయం తెలిసిందే. తొలివారం అతి తక్కువ టీఆర్పీ రేటింగ్ ను సొంతం చేసుకున్న ఈ షో ఎన్టీఆర్ మ్యాజిక్ కారణంగా మళ్ళీ తిరిగి పుంజుకుంటోంది. అప్పుడే షో మొదలై మూడు వారాలు గడిచిపోయింది. అయితే గత కొన్ని రోజుల “ఎవరు మీలో కోటీశ్వరుడు” షూటింగ్ జరుగుతున్న అన్నపూర్ణ స్టూడియోలో రాజమౌళి కన్పించాడు. ఆ పిక్స్ వైరల్ అవ్వడంతో రాజమౌళి ఈ షోకు అతిథిగా విచ్చేస్తారని అన్నారు. కానీ మూడు వారాలు గడిచిపోయినా ఆయన మాత్రం షోలో కన్పించలేదు. అయితే తాజా సమాచారం ప్రకారం రాజమౌళి ఈ షోలో పాల్గొన్నారట.

Read also : ప్రకృతికి దగ్గరగా ప్రభాస్… సన్‌రూఫ్ వానిటీ వాన్

ఆ ఎపిసోడ్ సోమవారం ప్రారంభం అవుతుంది. ఇక రాజమౌళితో పాటు మరో ప్రముఖ దర్శకుడు కొరటాల శివ కూడా హాట్ సీట్లో కూర్చోనున్నారు. మరో విశేషం ఏమిటంటే ఈ ఇద్దరు దర్శకులతోనూ ఎన్టీఆర్ సినిమాలు చేస్తున్నారు. రాజమౌళితో “ఆర్ఆర్ఆర్”, కొరటాలతో “ఎన్టీఆర్ 30”. ఈ ఎపిసోడ్ కోసం బుల్లితెర ప్రేక్షకులు ఆసక్తిగా ఎదురు చూస్తున్నారు. ఇందులో రాజమౌళి “ఆర్ఆర్ఆర్” గురించి ఏం చెప్పారో తెలుసుకోవాలనే ఆసక్తి నెలకొంది.