“పుష్ప” నుంచి అదిరిపోయే అప్డేట్

ఐకాన్ స్టార్ అల్లు అర్జున్ హీరోగా సుకుమార్ దర్శకత్వంలో తెరకెక్కుతున్న పాన్ ఇండియా మూవీ “పుష్ప”. రష్మిక మందన్న, ఫహద్ ఫాసిల్ కూడా కీలక పాత్రల్లో నటిస్తున్నారు. ఇప్పటికే చిత్రం నుంచి కొన్ని ఆసక్తికర అప్డేట్లను విడుదల చేసి బన్నీ ఫ్యాన్స్ లో ఉత్సాహాన్ని పెంచేశాయి. తాజాగా ఈ చిత్రం నుంచి ఇప్పటికే మూడు పాటలు విడుదల కాగా, వాటన్నింటికీ అదిరిపోయే రెస్పాన్స్ వచ్చింది. తాజాగా మాస్ ఫీస్ట్ కానున్న ‘పుష్ప’ నాలుగవ సాంగ్ కు సంబంధించిన అప్డేట్ ను విడుదల చేశారు మేకర్స్. నవంబర్ 19న ఈ చిత్రం నుంచి “ఏయ్ బిడ్డా ఇది నా అడ్డా’ అంటూ అదిరిపోయే మాస్ సాంగ్ రాబోతోంది. 1000 మందికి పైగా డ్యాన్సర్లతో భారీ స్థాయిలో చిత్రీకరించిన ఈ సాంగ్ థియేటర్లలో దద్దరిల్లడం ఖాయం అంటున్నారు అభిమానులు. “పుష్ప : ది రైజ్” డిసెంబర్ 17న ప్రేక్షకుల ముందుకు రానుంది.