Puri Jagannath: డేరింగ్ అండ్ డ్యాషింగ్ డైరెక్టర్ పూరి జగన్నాథ్ మీడియాను ఫేస్ చేయలేకపోతున్నాడా..? అంటే నిజమే అంటున్నాయి ఇండస్ట్రీ వర్గాలు. లైగర్ సినిమా రిలీజ్ కు ముందు.. మా సినిమా పాన్ ఇండియా సినిమా అంటూ ఎన్నో మాటలు చెప్పిన పూరి లైగర్ ప్లాప్ అయ్యాకా మీడియా ముందు కనిపించలేదు. ఈ సినిమాపై ట్రోల్స్ వస్తున్నా, పూరి డైరెక్షన్ ఇది కాదు అని అభిమానులు ఆగ్రహం వ్యక్తం చేసినా పూరి నోరుమెదిపిందే లేదు. ఇక పూరి ఫ్రెండ్ ఛార్మీ మాత్రం తన ట్విట్టర్ లో సినిమా అపజయం గురించి రాసుకొస్తూ మరో సినిమాతో బౌన్స్ బ్యాక్ అవుతాం అని సర్దిచెప్పింది. ఇక ప్రస్తుతం పూరి గోవా కొత్త కథను రాసే ప్రయత్నాలో ఉన్నాడని తెలుస్తోంది.
ఇటీవలే చిరు నటించిన గాడ్ ఫాదర్ సినిమాలో పూరి జర్నలిస్ట్ పాత్రలో కనిపించి మెప్పించాడు. ఈ సినిమా భారీ విజయాన్ని అందుకోవడంతో మరోసారి పూరి నెట్టింట హాట్ టాపిక్ గా మారాడు. ఇక ఇటీవల జరిగిన గాడ్ ఫాదర్ సక్సెస్ మీట్ కు చిరు, పూరిని ఆహ్వానించాడట. అయితే చిరు మాటను సున్నితంగా తిరస్కరించాడట పూరి.. ఇప్పుడప్పుడే పూరి మీడియా కంట పడాలని అనుకోవడం లేదట.. అందుకే చిరు పిలిచినా కూడా రాలేనని చెప్పుకొచ్చాడట. ఇదంతా లైగర్ ఎఫెక్ట్ యేనని తెలుస్తోంది. ఒక్కసారి మీడియా ముందుకు వస్తే పూరి చెప్పాల్సిన సమాధానాలు చాలానే ఉన్నాయి. ఇక ఇవన్నీ ఆలోచించే పూరి మీడియా ముందుకు రాను అన్నట్లు తెలుస్తోంది. మరి మరి ఈ వార్తలో నిజం ఎంత అనేది తెలియాల్సి ఉంది.