విజయ్ దేవరకొండ హీరోయిన్ డ్రీం గర్ల్ లుక్
విజయ్ దేవరకొండ హీరోయిన్ ప్రియాంక డ్రీం గర్ల్ లుక్ లో కన్పించింది అభిమానులను మైమరపించింది. అసలే ముట్టుకుంటే కందిపోతుందేమో అనిపించే ప్రియాంక ఈ లుక్ లో ఇంకా ఆకర్షణీయంగా ఉంది. వైట్ డ్రెస్ లో గుర్రంపై కూర్చొని, హార్స్ రైడింగ్ చేస్తూ ఉన్న పిక్స్ ఇప్పుడు వైరల్ అవుతున్నాయి. ఆమె ఆరాధకులకు ఈ డ్రీం గర్ల్ లుక్ తెగ నచ్చేసింది.
Read Also : జీ చేతికి “కేజిఎఫ్-2” శాటిలైట్ రైట్స్
విజయ్ దేవరకొండ “టాక్సీవాలా” చిత్రంతో ఎంట్రీ ఇచ్చింది ప్రియాంక. అయితే ఆ చిత్రం హిట్ టాక్ తెచ్చుకున్నప్పటికీ ఆమెకు పెద్దగా అవకాశాలు రాలేదు. తరువాత చాలా గ్యాప్ ఇచ్చి ఇటీవల వెండి తెరపై మెరిసింది. కరోనా సెకండ్ వేవ్ అనంతరం థియేటర్ల రీఓపెన్ తరువాత “ఎస్ఆర్ కళ్యాణమండపం” సినిమాతో ప్రేక్షకులను పలకరించింది. అంతకుముందే సత్యదేవ్ కోర్టు డ్రామా “తిమ్మరుసు” చిత్రంతో థియేటర్లలోకి వచ్చింది. కానీ ఈ సినిమా యావరేజ్ గా నిలిచింది. “ఎస్ఆర్ కళ్యాణమండపం” మాత్రం హిట్ మూవీగా నిలిచింది. ఆమె చేతిలో ఇప్పుడు “గమనం” మూవీ ఉంది. ఇన్ని సినిమాలు చేసినప్పటికీ ప్రియాంకకు ఇంకా పెద్ద ఆఫర్లు రాలేదనే చెప్పాలి. స్టార్ డం కోసం మన తెలుగమ్మాయి బాగానే కష్టపడుతోంది. మరి ఆమె కష్టానికి తగిన ఫలితాన్ని ఇచ్చే సినిమా ఏదో చూడాలి.
