Prabhas : రెబెల్ స్టార్ ఫౌజీ.. ఆ సీన్స్ మాములుగా ఉండవట

ప్రభాస్ నటిస్తున్న మోస్ట్ అవేటెడ్ చిత్రాలలో హను రాఘవపూడి దర్శకత్వంలో తెరకెక్కుతున్న ‘ఫౌజీ’ ఒకటి. ఈ పీరియాడిక్ యాక్షన్ డ్రామాపై ప్రేక్షకుల్లో భారీ అంచనాలు ఉన్నాయి. ఇందులో ప్రభాస్ బ్రిటీష్ కాలం నాటి ఇండియన్ ఆర్మీ సైనికుడిగా కనిపించనున్నాడు. అయితే, హను రాఘవపూడి ‘సీతారామం’ వంటి క్లాసిక్ లవ్ స్టోరీలను తెరకెక్కించడంలో దిట్ట. ఇప్పుడు ఫౌజీ కూడా అలాగే ఉండబోతుందని తెలుస్తోంది. నిజానికి ఈ సినిమా యుద్ధంలో పుట్టిన ప్రేమకథగా రానుందని ముందు నుంచి ప్రచారంలో ఉంది.

లేటెస్ట్‌గా.. సెకండ్ వరల్డ్ వార్ బ్యాక్ డ్రాప్‌లో వచ్చే యాక్షన్‌తో పాటు.. ప్రభాస్, హీరోయిన్ ఇమాన్వి మధ్య వచ్చే రొమాన్స్ మరియు ఎమోషనల్ లవ్ స్టోరీ సినిమాకే హైలైట్‌గా నిలవనుందని చిత్ర యూనిట్ వర్గాల సమాచారం. యాక్షన్, ఎమోషన్, రొమాన్స్‌ను సమపాళ్లలో కలిపి హను రాఘవపూడి ఈ చిత్రాన్ని అద్భుతంగా తీర్చిదిద్దుతున్నారట. ముఖ్యంగా ప్రభాస్ సైనికుడి లుక్ మాత్రం మామూలుగా ఉండదని టాక్. ఇప్పటి వరకు ప్రభాస్ ఇలాంటి పాత్రలో కనిపించలేదు. దీంతో.. ఫౌజీ రాక కోసం వెయ్యి కళ్లతో వెయిట్ చేస్తున్నారు రెబల్ స్టార్ అభిమానులు. ఇప్పటికే ఈ సినిమాకు సంబంధించిన షూటింగ్‌ చివరి దశకు చేరుకుంది. ప్రస్తుతం సందీప్ రెడ్డి వంగా ‘స్పిరిట్’ చిత్రంతో బిజీగా ఉన్నాడు ప్రభాస్. అయితే, త్వరలోనే మిగిలిన షూటింగ్‌ను శరవేగంగా పూర్తి చేసి, ఈ ఏడాది డిసెంబర్ చివరి వారంలో ఫౌజీ సినిమాను ప్రేక్షకుల ముందుకు తీసుకురావడానికి ప్లాన్ చేస్తున్నారు. డిసెంబర్ 3న ఈ సినిమా థియేటర్లోకి వచ్చే ఛాన్స్ ఉంది. మరి ‘ఫౌజీ’తో ప్రభాస్ బాక్సాఫీస్ వద్ద ఎలాంటి రికార్డులు సృష్టిస్తారో చూడాలి!