Imanvi Ismail: ప్రభాస్ హీరోయిన్ ఇమాన్వికి మరో ఛాన్స్ ఎందుకు రాలేదు?.. ‘ఫౌజీ’ వెనుక ఇదే కారణమా?

Imanvi Ismail: స్టార్ హీరో సినిమాతో ఇండస్ట్రీలో అడుగుపెడితే వరుస అవకాశాలు రావడం మామూలే. ముఖ్యంగా ప్రభాస్ వంటి పాన్ ఇండియా స్టార్ సరసన తొలి సినిమా చేసే హీరోయిన్లపై దర్శక నిర్మాతల దృష్టి ఎక్కువగా ఉంటుంది. అయితే ఈసారి పరిస్థితి కాస్త భిన్నంగా కనిపిస్తోంది. హను రాఘవపూడి దర్శకత్వంలో తెరకెక్కుతున్న ‘ఫౌజీ’ చిత్రంతో తెలుగు ప్రేక్షకులకు పరిచయం అవుతున్న ఇమాన్వి ఇస్మాయిల్ గురించి ఇప్పుడు చర్చ అయితే సాగుతోంది. సినిమా ప్రారంభమైనప్పటి నుంచి ఆమెపై మంచి అంచనాలు ఉన్నప్పటికీ, ఇప్పటివరకు మరో ప్రాజెక్ట్‌ను ప్రకటించకపోవడం ఆసక్తిగా మారింది. ‘ఫౌజీ’లో ప్రభాస్ సరసన నటించే అవకాశం రావడంతో ఇమాన్వి ఇస్మాయిల్ పేరు ఒక్కసారిగా వార్తల్లో నిలిచింది. కొత్త హీరోయిన్ అయినప్పటికీ, స్టార్ హీరోతో తొలి సినిమా కావడంతో ఆమెకు వరుస అవకాశాలు వస్తాయని చాలామంది భావించారు. కానీ సినిమా షూటింగ్ పలుమార్లు ఆలస్యం కావడంతో ఆ అంచనాలు కొంత తగ్గినట్లు కనిపిస్తున్నాయి. ఇప్పటివరకు ఆమె మరో తెలుగు చిత్రానికి సంతకం చేసినట్లు కనిపించలేదు.

ఇదిలా ఉండగా, ఇండస్ట్రీలో మరో ప్రచారం కూడా వినిపిస్తోంది. ‘ఫౌజీ’ విడుదలయ్యే వరకు ఇమాన్వి ఇతర తెలుగు సినిమాలకు సంతకం చేయకూడదనే నిబంధనతో నిర్మాతలతో ఒప్పందం కుదుర్చుకున్నట్లు గుసగుసలు వినిపిస్తున్నాయి. మరోవైపు సినిమా ప్రారంభోత్సవ కార్యక్రమం తర్వాత ఇమాన్వి పెద్దగా పబ్లిక్ ఈవెంట్లలో కూడా కనిపించలేదు. ఆమె కొత్త ప్రాజెక్ట్‌లపై చర్చలు జరుపుతున్నారనే సమాచారం కూడా ఇప్పటివరకు బయటకు రాలేదు. దీంతో ఆమె పూర్తిగా ‘ఫౌజీ’ చిత్రంపైనే దృష్టి పెట్టినట్లు తెలుస్తోంది. ఇక ‘ఫౌజీ’ సినిమా విషయానికి వస్తే, షూటింగ్ లో ఇంకా కీలక భాగాలు మిగిలి ఉన్నట్లు తెలుస్తోంది. తాజా సమాచారం ప్రకారం ప్రభాస్ ఆగస్టు నెలలో మళ్లీ షూటింగ్‌లో పాల్గొనే అవకాశం ఉంది. అదే సమయంలో సినిమా విడుదల తేదీకి సంబంధించిన ఆఫీషియల్ అనౌన్స్మెంట్ కూడా వచ్చే అవకాశం ఉంది. అన్నీ అనుకున్నట్లు జరిగితే విడుదల తేదీతో పాటు ఓ చిన్న గ్లింప్స్‌ను కూడా అభిమానుల ముందుకు తీసుకురావచ్చని టాక్ నడుస్తోంది.