‘ప్రాజెక్ట్ కె’ కోసం చేతులు కలిపిన ప్రభాస్, దీపికా పదుకొనే!

టు డేస్ రెబల్ స్టార్ ప్రభాస్ పాన్ ఇండియా మూవీ ‘ప్రాజెక్ట్ కె’ (వర్కింగ్ టైటిల్) షూటింగ్ ప్రస్తుతం రామోజీ ఫిల్మ్ సిటీలో జరుగుతోంది. ‘మహానటి’ ఫేమ్ నాగ అశ్విన్ దర్శకత్వంలో వైజయంతి మూవీస్ బ్యానర్ పై సీనియర్ ప్రొడ్యూసర్ అశ్వినీదత్ నిర్మిస్తున్న ఈ ప్రతిష్టాత్మక చిత్రంలో ప్రభాస్ సరసన దీపికా పదుకునే నాయికగా నటిస్తోంది. బిగ్ బి అమితాబ్ బచ్చన్ ఓ కీలక పాత్ర పోషిస్తున్నారు. ఇప్పటికే అమితాబ్, దీపికా పదుకునే ఈ మూవీ షూటింగ్ లో పాల్గొనగా, శనివారం ప్రభాస్ సైతం కెమెరా ముందుకు వచ్చేశాడు. ప్రభాస్, దీపికా పదుకునే ఒకరికి ఒకరు షేక్ హ్యాండ్ ఇచ్చుకునే షాట్ ను పిక్చరైజ్ చేసి, సోషల్ మీడియాలో పోస్ట్ చేసి ప్రభాస్ సైతం ఫుల్ ఫైర్ తో సెట్స్ కు చేరాడని దర్శక నిర్మాతలు చెప్పకనే చెప్పారు. ‘ఇండియాస్ బిగ్గెస్ట్ సూపర్ స్టార్స్ ప్రభాస్, దీపికా పదుకునే వరల్డ్స్ బిగ్గెస్ట్ కెమెరా ముందు చేతులు కలిపార’ని ఈ పోస్ట్ ద్వారా తెలిపారు. ఈ గ్రాండ్ సైన్స్ ఫిక్షన్ మూవీ కోసం ప్రభాస్ బల్క్ డేట్స్ ఇచ్చాడని, దాదాపు యేడాది పాటు ఈ మూవీ షూటింగ్ కొనసాగే ఆస్కారం ఉందనే ప్రచారం జరుగుతోంది. ప్రభాస్ నటిస్తున్న ‘రాధేశ్యామ్, సలార్, ఆదిపురుష్’ చిత్రాల తర్వాత ఈ సైన్స్ ఫిక్షన్ మూవీ జనం ముందుకు రానుంది.