అక్కినేని అఖిల్ హీరోగా బొమ్మరిల్లు భాస్కర్ డైరెక్ట్ చేస్తున్న చిత్రం ‘మోస్ట్ ఎలిజిబుల్ బ్యాచ్ లర్’.. అక్టోబర్ 8న ప్రేక్షకుల ముందుకు రానున్న ఈ సినిమాపై అక్కినేని హీరో అఖిల్ బోలెడు ఆశలు పెట్టుకున్నాడు. పూజా హెగ్డే హీరోయిన్ గా నటిస్తుండగా.. ఈ సినిమాలో తన పాత్రకు తానే డబ్బింగ్ చెప్పుకోవాలనే నిర్ణయానికి వచ్చింది. తాజాగా ఆమె డబ్బింగ్ ను ప్రారంభించిన విషయాన్నీ తెలియజేస్తూ ట్వీట్స్ చేసింది. లవ్ సీన్స్ లో అఖిల్- పూజా హెగ్డే మధ్య కెమిస్ట్రీ చాలా బాగా కుదిరినట్టు సమాచారం. వీరి మధ్య రొమాన్స్ కూడా సినిమాలోనే హైలెట్ గా నిలుస్తోందని చిత్రబృందం విశ్వాసంగా ఉందట. జీఏ2 పిక్చర్స్ పతాకంపై బన్నీ వాస్, వాసు వర్మ నిర్మిస్తున్నారు. ప్రదీష్ వర్మ సినిమాటోగ్రఫీ అందిస్తున్నారు.
