Pawan Kalyan: ఏప్రిల్ 5 నుంచి ‘భగత్ సింగ్’గా మారనున్న పవర్ స్టార్

పవర్ స్టార్ పవన్ కళ్యాణ్ ఏప్రిల్ 5 నుంచి భగత్ సింగ్ గా మారనున్నాడు. హరీష్ శంకర్-పవన్ కళ్యాణ్ కాంబినేషన్ లో అనౌన్స్ సెకండ్ మూవీ ‘ఉస్తాద్ భగత్ సింగ్’. ముహూర్త కార్యక్రమాలు పూర్తి చేసుకోని చాలా రోజులు అయిన ఈ మూవీ రెగ్యులర్ షూటింగ్ కి రెడీ అయిపొయింది. ఏప్రిల్ 5 నుంచి రెగ్యులర్ షూటింగ్ మొదలుపెట్టడానికి మేకర్స్ రెడీ అయ్యారు. ఈరోజు హరీష్ శంకర్ పుట్టిన రోజు కావడంతో పవన్ ఫాన్స్ అంతా సోషల్ మీడియాలో ఉస్తాద్ భగత్ సింగ్ ట్యాగ్ ని ట్రెండ్ చేస్తున్నారు. మైత్రీ మూవీ మేకర్స్ ప్రొడ్యూస్ చేస్తున్న ఈ ప్రాజెక్ట్ తో మరోసారి గబ్బర్ సింగ్ మ్యాజిక్ రిపీట్ అవుతుందని పవన్ ఫాన్స్ అంతా ఎక్స్పెక్టేషన్స్ పెట్టుకున్నారు. ఎన్నికల తర్వాతే హరీష్ శంకర్-పవన్ కళ్యాణ్ సినిమా ఉంటుందని అంతా అనుకున్నారు కానీ అందరికీ స్వీట్ షాక్ ఇస్తూ ‘ఉస్తాద్ భగత్ సింగ్’ సినిమాని సెట్స్ పైకి తీసుకోని వెళ్లే సమయం వచ్చేసింది.

ఇప్పటికే ప్రీప్రొడక్షన్ వర్క్స్ కంప్లీట్ చేసిన హరీష్ శంకర్, ఉస్తాద్ భగత్ సింగ్ సినిమా ‘తెరి’కి రీమేక్ వెర్షనా కాదా అనే విషయంలో ఎలాంటి క్లారిటీ ఇవ్వలేదు. అభిమానులు కూడా తెరి రీమేక్ అనే విషయాన్ని వదిలేసి పవన్ కళ్యాణ్ కి, నీ స్టైల్ లో సాలిడ్ హిట్ ఇవ్వు అంటూ హరీష్ శంకర్ బీ పుట్టిన రోజు శుభాకాంక్షలు చెప్తున్నారు. అయితే నిజంగానే ఉస్తాద్ భగత్ సింగ్ సినిమా ‘తెరి’కి రీమేక్ అయినా సరే మార్పులు, చేర్పులు చేసి మ్యాజిక్ చెయ్యడంలో… ‘మాటలు-మార్పులు’ అంటూ బాక్సాఫీస్ ని షేక్ చెయ్యడంలోనూ హరీష్ శంకర్ కి ‘గబ్బర్ సింగ్’ రూపంలో మంచి హిస్టరీ ఉంది. సో మరోసారి హరీష్ శంకర్ అలాంటి మ్యాజిక్ చేస్తాడేమో చూడాలి.