Pawan Kalyan Ane Nenu: ట్రెండింగ్ లో పవన్ కళ్యాణ్ అనే నేను!

Pawan Kalyan Ane Nenu Trending in Social Media: ఆంధ్ర ప్రదేశ్ లోని గన్నవరం ఎయిర్ పోర్ట్ సమీపంలో కేసరపల్లి ఐటీ పార్క్ వేదికగా నూతన మంత్రివర్గం ప్రమాణస్వీకారం ఘనంగా జరుగుతోంది. ముందుగా నూతన ముఖ్యమంత్రిగా చంద్రబాబు నాయుడు ప్రమాణస్వీకారం చేయగా అనంతరం ఒక్కొక్కరుగా మంత్రులు ప్రమాణ స్వీకారం చేస్తున్నారు. చంద్రబాబు ప్రమాణస్వీకారం ముగిసిన వెంటనే పవన్ కళ్యాణ్ అనే నేను అంటూ జనసేన అధినేత పవన్ కళ్యాణ్ ప్రమాణ స్వీకారం చేశారు. ఆయన ప్రమాణ స్వీకారం చేస్తున్న సమయంలో వేడుకకు హాజరైన అశేష జన వాహిని నుంచి హర్షాతిరేకలు వ్యక్తమయ్యాయి. పెద్ద ఎత్తున కరతాళ ధ్వనులతో పవన్ కళ్యాణ్ ను వారంతా అభినందించారు.

Pawan Kalyan: పవన్ కళ్యాణ్ అనే నేను అంటూ ప్రమాణం.. దద్దరిల్లిన వేదిక

ఇక పవన్ కళ్యాణ్ ప్రమాణస్వీకారం నేపథ్యంలో సోషల్ మీడియాలో పవన్ కళ్యాణ్ అనే నేను అనే హ్యాష్ ట్యా ట్రెండ్ అవుతుంది. ఇప్పటికే ట్విట్టర్ సహా ఫేస్బుక్, ఇన్స్టాగ్రామ్ లో ఈ హ్యాష్ ట్యాగ్ ట్రెండ్ అవుతుంది. అదే కాదు గేమ్ చేంజర్ పవన్ కళ్యాణ్ అనే హ్యాష్ ట్యాగ్ కూడా ట్రెండ్ అవుతోంది. ఇక పవన్ కళ్యాణ్ ప్రమాణ స్వీకారానికి ఆయన భార్య అన్నా లెజీనోవా, అకిరా నందన్, ఆధ్యా సహ మెగా కుటుంబ సభ్యులు కూడా హాజరయ్యారు. నిన్న సాయంత్రం మెగాస్టార్ చిరంజీవి తన భార్య సురేఖ సహా మనవరాళ్ళతో స్పెషల్ ఫ్లైట్లో బేగంపేట్ నుంచి గన్నవరం వచ్చారు. పవన్ ప్రమాణ స్వీకారం చేస్తున్న సమయంలో ఆయన భార్య ఫోన్లో షూట్ చేస్తూ ఉండడం కూడా హైలెట్ అయింది.