Pallavi Joshi: బ్రేకింగ్.. ‘కాశ్మీర్ ఫైల్స్’ నటికి ప్రమాదం

Pallavi Joshi: ది కాశ్మీర్ ఫైల్స్ తో ఇండియాను షేక్ చేశాడు వివేక్ రంజన్ అగ్నిహోత్రి. వివాదాస్పదమైన ఈ మూవీ తరువాత మరో వివాదాస్పద మూవీకి కొబ్బరికాయ కొట్టిన విషయం తెల్సిందే. ‘ది వాక్సిన్ వార్’ వివేక్ తదుపరి చిత్రం.. ఐ యామ్ బుద్ధ ప్రొడక్షన్ పతాకం పై పల్లవి జోషి ఈ చిత్రాన్ని నిర్మించడంతో పాటు కీలక పాత్ర పోషిస్తున్నారు. ప్రస్తుతం ఈ చిత్రం చివరి షెడ్యూల్‌ హైదరాబాద్‌ లో జరుగుతోంది. కాగా, తాజాగా ఈ చిత్రం సెట్ లో ఓ సన్నివేశం చిత్రీకరిస్తుండగా నటి పల్లవి జోషి గాయపడ్డారు. సెట్ లో ఉండగా
ఓ వాహనం అదుపు తప్పి ఢీకొట్టిందని స్థానికులు తెలిపారు. ఈ ప్రమాదంలో ఆమెకు స్వల్ప గాయాలయ్యాయి. వెంటనే చిత్ర బృందం ఆమెను సమీపంలోని హాస్పిటల్ లో ఆమెను జాయిన్ చేశారు.

ప్రస్తుతం ఆమె ఆరోగ్యం బాగానే వుందని, అభిమానులెవరు ఆందోళన చెందాల్సిన అవసరం లేదని చిత్ర బృందం తెలియజేసింది. ఇక . ది కాశ్మీర్ ఫైల్స్ కోసం వివేక్ అగ్నిహోత్రితో కలిసి పనిచేసిన అభిషేక్ అగర్వాల్ తన అభిషేక్ అగర్వాల్ ఆర్ట్స్ బ్యానర్ ద్వారా దేశవ్యాప్తంగా ‘ది వాక్సిన్ వార్’ని విడుదల చేయనున్నారు. ఈ చిత్రం ఆగస్టు 15 న హిందీ, ఇంగ్లీష్, గుజరాతీ, పంజాబీ, భోజ్‌పురి, బెంగాలీ, మరాఠీ, తెలుగు, తమిళం, కన్నడ, ఉర్దూ, అస్సామీలతో సహా 10 భాషలలో రిలీజ్ కానుంది. మరి ఈ సినిమాతో ఈ వివాదస్పద దర్శకుడు మరో హిట్ ను అందుకుంటాడో లేదో చూడాలి.