Pakistani media in awe of Global Star Ram Charan: ‘RRR’లో తన నటనతో ఎల్లలు దాటి గ్లోబల్ స్టార్ అనే బిరుదును సంపాదించుకున్న మెగా పవర్ స్టార్ రామ్ చరణ్ గురించి పాకిస్తానీ మీడియాలో ప్రశంసలు అందడం హాట్ టాపిక్ అవుతోంది. నిజానికి టాలీవుడ్ నుండి హాలీవుడ్ వరకు, ప్రపంచవ్యాప్తంగా మీడియా సంస్థలు రామ్ చరణ్ ‘RRR’లో రామరాజు పాత్రను పోషించినందుకు ప్రశంసలు కురిపించాయి. ఇక ఇప్పుడు పాకిస్తాన్లోని ప్రముఖ మీడియా సంస్థ అయిన సమ్థింగ్ హాట్కి మేనేజింగ్ ఎడిటర్ హాసన్ చౌదరి ఒక ఇంటర్వ్యూలో, బ్రిటీష్ ఆఫీసర్ రామరాజుగా రామ్ చరణ్ పరిచయ సన్నివేశాన్ని ప్రశంసించారు. రామ్ చరణ్ కమాండింగ్, విశ్వాసాన్ని హైలైట్ చేశారు. రామ్ చరణ్ స్వాతంత్ర్య సమరయోధుల గుంపును నియంత్రించడం, ఒక వ్యక్తిని అరెస్టు చేయడం, తన పై అధికారికి సెల్యూట్ చేస్తున్నప్పుడు కూడా అధికార భావాన్ని , క్రమశిక్షణను కొనసాగించే సన్నివేశాన్ని ప్రత్యేకంగా ప్రశంసించారు, రామ్ చరణ్ నటన ఎప్పుడూ అతిశయోక్తిగా భావించలేదని పేర్కొన్నారు.
Drugs Case: డ్రగ్స్ కేసులో అడ్డంగా దొరికిన సినీ నిర్మాత.. అరెస్ట్!
ఇక ఈ ఇంటర్వ్యూ క్లిప్ సోషల్ మీడియాలో వైరల్గా మారింది, రామ్ చరణ్ అభిమానులు వివిధ ప్లాట్ఫారమ్లలో దానిని షేర్ చేస్తున్నారు. రామ్ చరణ్ కి పెరుగుతున్న అంతర్జాతీయ గుర్తింపుకు మరొక సాక్ష్యంగా, ఒక హాలీవుడ్ మీడియా సంస్థ ఇటీవల రామ్ చరణ్ రామరాజు పాత్రను రాబోయే చిత్రం కోసం వారు కోరుకునే పాత్రకు ఉదాహరణగా పేర్కొంది. ఈ గుర్తింపు అపారమైన ప్రతిభ – బహుముఖ ప్రజ్ఞతో ప్రపంచ నటుడిగా రామ్ చరణ్ స్థాయిని మరింత సుస్థిరం చేసిందని అనడంలో ఎలాంటి సందేహం లేదు. ఇక సినిమాల విషయానికి వస్తే రామ్ చరణ్ ప్రస్తుతం శంకర్ దర్శకత్వంలో ‘గేమ్ ఛేంజర్’ అనే పొలిటికల్ థ్రిల్లర్లో నటిస్తున్నాడు. ఈ చిత్రంలో రామ్ చరణ్ ద్విపాత్రాభినయం చేయగా, కియారా అద్వానీ, అంజలి కథానాయికలుగా నటిస్తున్నారు. ఇక మరోపక్క రామ్ చరణ్ బుచ్చి బాబు సనా దర్శకత్వంలో ఒక చిత్రంలో నటించబోతున్నాడు, ఈ సినిమాలో జాన్వీ కపూర్ సరసన చరణ్ నటించనున్నాడు.