Oscars: మరి కొన్ని గంటల్లో నామినేషన్స్ అనౌన్స్మెంట్… అందరి దృష్టి RRR పైనే

వరల్డ్ లో ప్రతి ఫిల్మ్ మేకర్ కి, ప్రతి యాక్టర్ కి, ప్రతి టెక్నిషియన్ కి ఉండే ఒక కల ‘ఆస్కార్’. ఈ ప్రెస్టీజియస్ అవార్డ్ గెలుచుకుంటే చరిత్రలో నిలిచిపోతమని ప్రతి ఒక్కరూ ఫీల్ అవుతూ ఉంటారు. ఫిల్మ్ ఇండస్ట్రీలోని ప్రతి కేటగిరికి టాప్ లెవల్ అవార్డ్ గా పరిగణించే ఆస్కార్స్ అవార్డ్ అనౌన్స్మెంట్ ఈసారి మార్చ్ 12న చెయ్యనున్నారు. మార్చ్ 12న అవార్డ్ గెలవడానికి రేస్ లో ఎవరెవరు ఉన్నారు అనే విషయాన్ని ‘ఆస్కార్ ఫైనల్ నామినేషన్స్’ రూపంలో ఈరోజు అనౌన్స్ చెయ్యనున్నారు. ఇప్పటివరకూ బయటకి వచ్చిన ప్రిడిక్షన్స్ ని పక్కన పెడితే, ఈరోజు సాయంత్రం 7 గంటలకి ఆస్కార్ రేసులో ఎవరు ఉన్నారు? ఏ సినిమా ఉంది అనే విషయం అఫీషియల్ గా తెలియనుంది. ఈ అనౌన్స్మెంట్ లైవ్ స్ట్రీమింగ్ ని ‘oscars.org’, ‘abc.com’, ‘hulu tv’, ‘academy’కి సంబంధించిన అన్ని సోషల్ మీడియా అకౌంట్స్ లో లైవ్ స్ట్రీమింగ్ చూడొచ్చు.

95వ ఆస్కార్స్ పై ఈసారి ఎక్కువగా ఇండియాన్స్ దృష్టి పెట్టారు. అందుకు కారణం ఆర్ ఆర్ ఆర్ సినిమా రేసులో ఉండడమే. గోల్డెన్ గ్లోడ్ అవార్డ్ గెలుచుకోని ఆస్కార్ ఆశలని మరింత పెంచిన ఆర్ ఆర్ ఆర్ మూవీ బెస్ట్ ఒరిజినల్ సాంగ్ కేటగిరిలో ఆస్కార్ అవార్డ్ గెలుస్తుందని ప్రతి ఒక్కరూ నమ్ముతున్నారు. ఎన్టీఆర్ బెస్ట్ యాక్టర్ కేటగిరిలో, ఆర్ ఆర్ ఆర్ బెస్ట్ మూవీ కేటగిరిలో ఆస్కార్ నామినేట్ అవుతుందని ప్రపంచ సినీ అభిమానులు ట్వీట్స్ చేస్తున్నారు. ఈ విషయంలో ఈరోజు సాయంత్రం క్లారిటీ రానుంది. బెస్ట్ మూవీ, బెస్ట్ యాక్టర్ కేటగిరిల్లో అవార్డ్ రావడం కష్టమే కానీ ఒకవేళ నామినేట్ అయితే మాత్రం ఇండియన్ ఫిల్మ్ ఇండస్ట్రీలో ఒక కొత్త శకం మొదలయ్యినట్లే.