బాలీవుడ్ టాప్ డైరెక్టర్ తో ఎన్టీఆర్ పీరియాడిక్ డ్రామా
యంగ్ టైగర్ ఎన్టీఆర్ నటించిన ప్రతిష్టాత్మక చిత్రం “ఆర్ఆర్ఆర్” విడుదలకు సిద్ధంగా ఉంది. ఈ ఎపిక్ డ్రామాను దిగ్గజ దర్శకుడు రాజమౌళి రూపొందిస్తుండగా, రామ్ చరణ్ మరో ప్రధాన పాత్రలో నటించాడు. ఈ చిత్రం జనవరి 7న ప్రేక్షకుల ముందుకు రానుంది. ఈ చిత్రం గురించి నందమూరి అభిమానులు ఎంతో ఆతృతగా ఎదురు చూస్తున్నారు. నాట్ నెక్స్ట్ వరుసగా సినిమాలను లైన్ లో పెట్టారు. కొరటాల శివ, ప్రశాంత్ నీల్ లాంటి స్టార్ డైరెక్టర్స్ తో నటించబోతున్నాడు. ఈ నేపథ్యంలో తాజాగా ఫిల్మ్ వర్గాల సమాచారం మేరకు ఎన్టీఆర్ ఓ బాలీవుడ్ టాప్ డైరెక్టర్ సినిమాలో నటించబోతున్నాడని బజ్ నడుస్తోంది.
Read Also : తగ్గేదే లే… రికార్డ్స్ బద్దలు కొడుతున్న “రాధేశ్యామ్”
బాజీరావ్ మస్తానీ, రామ్ లీలా, పద్మావత్ వంటి అద్భుతమైన పీరియాడికల్ సినిమాలను వెండి తెరపై ఆవిష్కరించిన బాలీవుడ్ అగ్ర దర్శకుడు సంజయ్ లీలా భన్సాలీ. అలాంటి దర్శకుడితో ఎన్టీఆర్ నెక్స్ట్ సినిమాకు సిద్ధమవుతున్నాడని టాక్. ఈ వార్త గనుక నిజమైతే ఎన్టీఆర్ డైరెక్ట్ బాలీవుడ్ ఎంట్రీ ఇదే అవుతుంది. మకుట విఎఫ్ఎక్స్ ఈ పీరియాడిక్ డ్రామా కోసం స్కెచ్లను సిద్ధం చేస్తోందని సమాచారం. ఈ చిత్రం భారీ బడ్జెట్ తో రూపొందనుందని తెలుస్తోంది. త్వరలోనే ఈ సినిమాకు సంబంధించిన వివరాలు బయటకు రానున్నాయి.
మరోవైపు ఎన్టీఆర్ నటిస్తున్న “ఆర్ఆర్ఆర్”తో సంజయ్ లీలా భన్సాలీ రూపొందించిన “గంగూబాయి కతియవాడి” ఢీ కొనబోతోంది. రెండూ వేర్వేరు జోనర్లు అయినప్పటికీ “ఆర్ఆర్ఆర్” జనవరి 7న, “గంగూబాయి కతియవాడి” జనవరి 6న ఒకరోజు గ్యాప్ తో విడుదల కానున్నాయి.