నితిన్ ‘మాచర్ల నియోజకవర్గం’ మోషన్ పోస్టర్ చూశారా?

టాలీవుడ్ యంగ్ హీరో నితిన్ ఈమధ్యకాలంలో సినిమాల దూకుడు పెంచాడు. మొన్ననే ‘రంగ్ దే’, ‘చెక్’ సినిమాలతో పర్వాలేదనిపించిన నితిన్.. తన తదుపరి చిత్రం ‘మాస్ట్రో’ సెప్టెంబరు 17 నుంచి ప్రముఖ ఓటీటీ డిస్నీ+ హాట్‌స్టార్‌లో స్ట్రీమింగ్‌ చేయనున్నారు. ఈ సినిమాకు మేర్లపాక గాంధీ దర్శకత్వం వహిస్తుండగా.. ఎం సుధాకర్ రెడ్డి మరియు నిఖిత రెడ్డి నిర్మాతలుగా వ్యవహరిస్తున్నారు. కాగా, నితిన్ తన కెరీర్ లో 31వ చిత్రాన్ని నేడు వినాయకచవితి సందర్బంగా పూజ కార్యక్రమాలతో ఘనంగా ప్రారంభించారు.

ఈ చిత్రాన్ని ఎం.ఎస్ రాజశేఖర్ రెడ్డి అనే కొత్త దర్శకుడు తెరకెక్కిస్తున్నాడు. ఇక ఈ సినిమాలో హీరోయిన్ కృతి శెట్టి నటిస్తుండగా.. శ్రేష్ఠ్ మూవీస్ పతాకంపై తెరకెక్కుతోంది. అయితే తాజాగా ‘మాచర్ల నియోజకవర్గం’ అనే డిఫరెంట్ పొలిటికల్ టైటిల్ మోషన్ పోస్టర్ ను విడుదల చేశారు. ఇక ఈ టైటిల్ బట్టి చూస్తుంటే నితిన్ రాజకీయ నేపథ్యంలోనే వస్తున్నట్లు తెలుస్తోంది. త్వరలోనే రెగ్యులర్ ను షూటింగ్ ను ప్రారంభించనున్నారు.