King Nagarjuna Birthday Special: కింగ్ నాగార్జున పుట్టినరోజు సమీపిస్తున్న వేళ ఆయన అభిమానులకి ఒక మంచి ట్రీట్ ఇచ్చేందుకు సిద్ధం అయ్యారు. ఆగష్టు 29న, సూపర్ హిట్ సినిమా మాస్ మళ్ళీ థియేటర్లలోకి రానుంది. ఈ సినిమాను 4K ఫార్మాట్‌లో మళ్లీ విడుదల చేస్తున్నారు. దాదాపు 20 ఏళ్ల క్రితం విడుదలైన మాస్ సినిమా అప్పటికి నాగార్జునకు అత్యధిక వసూళ్లు రాబట్టిన సినిమాగా నిలిచింది. దర్శకుడు రాఘవ లారెన్స్ దర్శకత్వం వహించిన మాస్ సినిమాను నాగార్జున తన అన్నపూర్ణ స్టూడియోస్ బ్యానర్‌పై నిర్మించారు. ఈ చిత్రంలో జ్యోతిక, ఛార్మి కౌర్, రఘువరన్ సహా రాహుల్ దేవ్‌తో సహా స్టార్ యాక్టర్లు నటించారు.
Also Read: August 15: ఆగస్టు 15 రేసు నుంచి తప్పుకున్న చిన్న సినిమా
రాక్‌స్టార్ దేవి శ్రీ ప్రసాద్ స్వరపరిచిన మాస్ సినిమా కమర్షియల్ హిట్ మాత్రమే కాదు, సంగీతపరంగా కూడా సంచలనం సృష్టించింది. శ్యామ్ కె నాయుడు సినిమాటోగ్రాఫర్ గా వ్యవహరించిన ఈ సినిమా రీ రిలీజ్ లో కూడా రికార్డులు బద్దలు కొడుతుందని అంచనా వేస్తున్నారు. అసలు విడుదల కాకుండానే, మాస్ పలు భాషల్లోకి రీమేక్ చేయబడింది. 4K ఫార్మాట్‌లో మళ్లీ విడుదల చేయడం వలన ప్రేక్షకులు ఈ యాక్షన్-ప్యాక్డ్ ఎంటర్‌టైనర్‌ను చూసి ఆనందిస్తారని భావిస్తున్నారు. ఈ మధ్య కాలంలో రీ రిలీజ్ సినిమాల ట్రెండ్ పెద్ద ఎత్తున వర్కౌట్ అవుతోంది. ఇక తాజాగా రీ రిలీజ్ అయిన మురారి సినిమా అనేక రికార్డులు బద్దలు కొడుతూ ముందుకు వెళుతోంది.