ఓటిటి వైపు నాగ చైతన్య మూవీ చూపు?

అక్కినేని యువ నటుడు నాగ చైతన్య వరుస బ్లాక్ బస్టర్ చిత్రాలతో సక్సెస్ ఫుల్ గా దూసుకెళ్తున్నారు. ప్రస్తుతం ఈ హీరో విక్రమ్ కుమార్ దర్శకత్వంలో తెరకెక్కుతున్న “థాంక్యూ” అనే చిత్రంలో నటిస్తున్నారు. ఈ సినిమా షూటింగ్ దాదాపు పూర్తి కావచ్చింది. రాశి ఖన్నా, అవికా గోర్, ప్రకాష్ రాజ్ ఇతర ముఖ్య పాత్రల్లో నటిస్తున్న ఈ చిత్రానికి దిల్ రాజు నిర్మాత. అయితే ఈ సినిమా ఓటిటి చూపులు చూస్తున్నట్టు వార్తలు వస్తున్నాయి. దిల్ రాజు, ఆయన బృందం థియేట్రికల్ విడుదలను ఈ చిత్రాన్ని ఓటిటి ప్లాట్‌ఫామ్ ద్వారా విడుదల చేయడానికి ఆసక్తిగా ఉన్నారని అంటున్నారు. ప్రస్తుతం సినిమా ఓటిటి రిలీజ్ కు సంబంధించి ఓ ప్రముఖ ఓటిటి సంస్థతో డీల్ పూర్తయ్యిందని, త్వరలో “థాంక్యూ” సినిమా విడుదలపై అధికారిక ప్రకటన వెలువడనుందని అంటున్నారు. చిత్రబృందం నుంచి అధికారిక ప్రకటన వస్తేనే గానీ ఈ విషయంపై క్లారిటీ రాదు.

Read Also : “ఆర్ఆర్ఆర్” కొత్త ప్రోమో… ట్రైలర్ పై అంచనాలను పెంచేస్తున్న టీమ్

మరోవైపు ఈ సినిమా కాకుండా నాగ చైతన్య ప్రస్తుతం కళ్యాణ్ కృష్ణ దర్శకత్వంలో “బంగార్రాజు” సినిమా చేస్తున్నాడు. ఈ చిత్రాన్ని జనవరి 2022 లో విడుదల చేయడానికి సన్నాహాలు చేస్తున్నారు. నాగ చైతన్య తొలిసారిగా తన తండ్రి నాగార్జున సినిమాలో ఫుల్ లెంగ్త్ రోల్ చేస్తున్నాడు. ఆ తరువాత నాగ చైతన్య విక్రమ్ కుమార్ దర్శకత్వంలో వెబ్ సిరీస్ కోసం కమిట్ అయ్యాడు. ఈ ప్రాజెక్ట్ పై అతి త్వరలో అధికారిక ప్రకటన వస్తుంది.