Nabha Natesh: ఇస్మార్ట్ బ్యూటీ నభా నటేష్ ప్రధాన పాత్రలో నటిస్తున్న తాజా చిత్రం ‘నాగబంధం’ (Nagabandham). రిలీజ్కు రెడీ అయిన ఈ సినిమా ప్రమోషన్స్ ప్రస్తుతం శరవేగంగా సాగుతున్న క్రమంలో, నభా నటేష్ పాములపై చేసిన కొన్ని సంచలన వ్యాఖ్యలు ఇప్పుడు సోషల్ మీడియాలో హాట్ టాపిక్గా మారాయి. సాధారణంగా పాము కనిపిస్తేనే ఎవరైనా ఆమడదూరం పరుగెడతారు.. కానీ తనకు మాత్రం పాములంటే అస్సలు భయం లేదని ఈ బ్యూటీ షాకింగ్ సీక్రెట్ బయటపెట్టింది.
తాజా ఇంటర్వ్యూలో నభా నటేష్ మాట్లాడుతూ.. తనకు చిన్నప్పటి నుంచే పాములతో ఒక ప్రత్యేకమైన అనుబంధం ఉందని చెప్పింది. తాను కర్ణాటకలోని చిక్కమగళూరులో పెరగడమే ఇందుకు ప్రధాన కారణమని వెల్లడించింది. ప్రకృతి ఒడిలో ఉండే ఆ ప్రాంతంలో పాములు తిరగడం చాలా సహజమని, ముఖ్యంగా తమ పూర్వీకుల నాటి పాత ఇంట్లో పాములు తరచూ కాపురం ఉండేవని నభా గుర్తుచేసుకుంది. “మా ఇంట్లోకి పాములు రావడం చాలా మామూలు విషయం. నేను, నా తమ్ముడు కూర్చుని క్యాజువల్గా బ్రేక్ఫాస్ట్ (టిఫిన్) తింటూ.. మా కళ్ల ముందే తిరిగే పాములను చాలా సరదాగా చూసేవాళ్లం. అందుకే నాకు వాటిని చూస్తే అస్సలు భయం వేయదు” అంటూ నభా నటేష్ చేసిన కామెంట్స్ విని నెటిజన్లు అవాక్కవుతున్నారు.