జి నాగేశ్వర్ రెడ్డి దర్శకత్వంలో సందీప్ కిషన్, నేహాశెట్టి హీరోహీరోయిన్లుగా నటిస్తున్న కామెడీ ఎంటర్టైనర్ ‘గల్లీ రౌడీ’. బాబీ సింహా, వివా హర్ష, వెన్నెల కిషోర్, రాజేంద్ర ప్రసాద్, పోసాని కృష్ణ మురళి ప్రధాన పాత్రలో నటిస్తున్న ఈ చిత్రానికి ఎంవివి సినిమా, కోన ఫిల్మ్ కార్పొరేషన్ బ్యానర్లపై ఎంవివి సత్యనారాయణ, కోన వెంకట్ నిర్మించారు.
సాయి కార్తీక్, రామ్ మిరియాలా ఈ చిత్రానికి సంగీతం అందించారు. ఇప్పటికే ‘గల్లీ రౌడీ’ నుంచి విడుదలైన టీజర్ కు అద్భుతమైన స్పందన వచ్చింది. ఇటీవల సందీప్ కిషన్ బర్త్ డే సందర్భంగా ఈ చిత్రం నుంచి ‘పుట్టెనే ప్రేమ’ రొమాంటిక్ లిరికల్ వీడియో సాంగ్ ను విడుదల చేశారు.
ఈ సాంగ్ ను రామ్ మిరియాల ఆలపించగా… భాస్కరభట్ల లిరిక్స్ అందించారు. యూత్ ను విశేషంగా ఆకట్టుకుంటున్న ఈ సాంగ్ 1 మిలియన్ వ్యూస్ ను సొంతం చేసుకుంది. అంతేకాదు 1 వీక్ నుంచి ఈ యూత్ ఫుల్ రొమాంటిక్ సాంగ్ యూట్యూబ్ లో నెంబర్ 1గా ట్రెండ్ అవుతూ ఉండడం విశేషం. ‘పుట్టెనే ప్రేమ’ లిరికల్ వీడియో సాంగ్ పై మీరు కూడా ఓ లుక్కేయండి మరి.