Vishwambhara : విశ్వంభర “టెన్షన్లో” ఫాన్స్!

Vishwambhara : మెగాస్టార్ చిరంజీవి హీరోగా, వశిష్ఠ దర్శకత్వంలో విశ్వంభర సినిమా రూపొందింది. ఈ సినిమా షూటింగ్ ఎప్పుడో పూర్తయింది. సంక్రాంతి సందర్భంగా విడుదల కావాల్సి ఉంది, కానీ చిరంజీవి తనయుడు రామ్ చరణ్ నటించిన గేమ్ ఛేంజర్ కోసం ఈ సినిమా వాయిదా పడింది. అయితే, ఈ సినిమా విడుదల తేదీని ఇప్పటివరకు మళ్లీ ప్రకటించలేదు. తాజా మీడియా వార్తల ప్రకారం, సినిమాకు సంబంధించిన సీజీ వర్క్‌పై టీమ్ సంతృప్తిగా లేదు. వేరే కంపెనీ ద్వారా సీజీ వర్క్ చేయించి, సంతృప్తి కలిగిన తర్వాత విడుదల తేదీని ప్రకటించాలని భావిస్తున్నారు.

Read Also :Chiru – Bobby : చిరు – బాబీ సినిమా ఆ బ్యానర్ లోనే

మీడియాలో ప్రచారం జరుగుతున్న దాని ప్రకారం, జూలై 24న ఈ సినిమా విడుదల కావాల్సి ఉంది, కానీ యూనిట్ ఇంకా స్పష్టత ఇవ్వలేదు. ఆసక్తికర విషయం ఏమిటంటే, ఈ సినిమా హిందీ రైట్స్ ఇప్పటికే మంచి రేటుకు అమ్ముడుపోయాయి. ఇంకా డిజిటల్, సాటిలైట్ రైట్స్ క్లోజ్ చేయాల్సి ఉంది. అవి కూడా పూర్తయితే, ఓటీటీ ప్లాట్‌ఫామ్‌లు చెప్పిన తేదీన సినిమాను విడుదల చేయాల్సి ఉంటుంది. ఈ సినిమాను దసరా సందర్భంగా విడుదల చేసే అవకాశం ఉందని అంటున్నారు, కానీ దీనిపై కూడా స్పష్టత లేదు. మెగా ఫ్యాన్స్ ఈ వరుస ప్రచారాలతో ఇబ్బంది పడుతున్నారు. విశ్వంభర సినిమా ఎప్పుడు విడుదలవుతుందని అభిమానులు ఆతృతగా ఎదురుచూస్తున్నారు. ఈ సినిమా సోషియో-ఫాంటసీ జానర్‌లో రూపొందింది. త్రిష హీరోయిన్‌గా నటించిన ఈ చిత్రాన్ని యూవీ క్రియేషన్స్ బ్యానర్‌పై అత్యంత ప్రతిష్ఠాత్మకంగా నిర్మించారు. ఎం.ఎం. కీరవాణి తనదైన సంగీతాన్ని అందించారు.

Read Also : Next Test Captain: టెస్ట్ కెప్టెన్ గా రవీంద్ర జడేజా?