Manchu Manoj :’దాదా’లో బిజీ.. చాముండేశ్వరి అమ్మవారి సన్నిధిలో మంచు మనోజ్ స్పెషల్ పూజలు!

టాలీవుడ్ హీరో మంచు మనోజ్ ప్రస్తుతం ఫుల్ జోష్‌లో ఉన్నారు. సినిమాలతో ఎంత బిజీగా ఉన్నప్పటికీ, కుటుంబానికి సమయం కేటాయించడంలో ఆయన ఎప్పుడూ ముందుంటారు. తాజాగా తన షూటింగ్ షెడ్యూల్ నుంచి చిన్న విరామం తీసుకున్న మనోజ్.. భార్య భూమా మౌనిక, పిల్లలతో కలిసి మైసూరులో ప్రత్యక్షమయ్యారు. నందమూరి బాలకృష్ణ – గోపీచంద్ మలినేని కాంబినేషన్‌లో వస్తున్న మోస్ట్ అవేటెడ్ హై-వోల్టేజ్ యాక్షన్ మూవీ **’డాడా’** షూటింగ్ ప్రస్తుతం మైసూరులో శరవేగంగా జరుగుతోంది. ఈ చిత్రంలో మనోజ్ ఒక పవర్-ప్యాక్డ్ పాత్రలో నటిస్తున్నారు. ఈ భారీ సినిమా షూటింగ్ గ్యాప్ దొరకడమే ఆలస్యం.. మనోజ్ తన ఫ్యామిలీని మైసూరుకు రప్పించుకుని, నేరుగా ప్రసిద్ధ చాముండి కొండపైకి వెళ్లారు.

కుటుంబ సమేతంగా కొండెక్కిన మంచు మనోజ్ దంపతులకు ఆలయ అర్చకులు పూర్ణకుంభంతో ఘన స్వాగతం పలికారు. అమ్మవారి సన్నిధిలో మనోజ్, మౌనిక దంపతులు ప్రత్యేక పూజలు, అర్చనలు నిర్వహించి వేద పండితుల చేతుల మీదుగా ఆశీర్వచనాలు అందుకున్నారు. అనంతరం ఆలయ అధికారులు వారికి శేషవస్త్రాలు, తీర్థ ప్రసాదాలు అందజేసి సత్కరించారు. ఇక మనోజ్ ఫ్యామిలీ మైసూరు టెంపుల్‌కు వచ్చిందన్న విషయం తెలియగానే, ఆలయ ప్రాంగణంలో అభిమానులు భారీగా తరలివచ్చారు. తమ అభిమాన హీరోను చూసేందుకు, పలకరించేందుకు ఎగబడ్డారు. దీంతో అక్కడ కొద్దిసేపు సందడి వాతావరణం నెలకొంది. ఏదేమైనా.. సినిమాలతో ఎంత బిజీగా ఉన్నా, ఫ్యామిలీ సెంటిమెంట్‌కు మనోజ్ ఇచ్చే ప్రాధాన్యత మరోసారి హాట్ టాపిక్‌గా మారింది!