Malayalam film Aavesham is now streaming on Amazon Prime: ఇటీవలి కాలంలో మలయాళ సినిమా అనే కాదు అన్ని బాషల OTT వ్యాపారం బాగా తగ్గిపోయిందని కొన్ని నెలలుగా వార్తలు వస్తున్నాయి. ఇంతకు ముందు సినిమాల విడుదలకు ముందు OTT కాంట్రాక్టులు జరిగేవి, కానీ ఇప్పుడు అలాంటి ఒప్పందాలు చాలా అరుదుగా జరుగుతున్నాయి. విడుదల తర్వాత కూడా హిట్లుగా నిలుస్తున్న చాలా తక్కువ చిత్రాలకు OTTల ఆఫర్లు వస్తున్నాయి. అయితే ఫహద్ ఫాసిల్ హీరోగా నటించిన ఆవేశం సినిమాకి మాత్రం రిలీజ్ కి ముందే మంచి డీల్ వచ్చింది. ఎట్టకేలకు ఏప్రిల్ 11న థియేటర్లలోకి వచ్చిన ఈ సినిమా నెల తిరగకుండానే OTTలో రిలీజ్ అయింది. ఈ సినిమా నిన్న అర్ధరాత్రి నుంచి అమెజాన్ ప్రైమ్ వీడియోలో స్ట్రీమింగ్ అవుతోంది.
ఆ లెక్కన ఈ సినిమా థియేటర్లలో విడుదలైన 29వ రోజున OTTకి వచ్చేసింది. ఇది థియేట్రికల్ విడుదలకు ముందు జరిగిన OTT ఒప్పందం అని అంటున్నారు. OTT హక్కుల ద్వారా ఈ సినిమా గట్టిగానే లాభపడింది అంటున్నారు. ఈ సినిమా OTT హక్కుల విక్రయం ద్వారా 35 కోట్లు రాబట్టినట్లు ప్రముఖ బాక్సాఫీస్ ట్రాకర్లు నివేదించారు. ఫహద్ ఇప్పటి వరకు చేయని క్యారెక్టర్ ఈ చిత్రానికి హైలైట్. ఈ యాక్షన్ కామెడీ సినిమా బెంగళూరు నేపథ్యంలో తెరకెక్కింది. రంగా అనే ఒక లోకల్ రౌడీ అలాగే కేరళ నుండి బెంగుళూరులో చదువుకోవడానికి వచ్చిన మలయాళీ విద్యార్థుల బృందం మధ్య ఏం జరిగింది ? అనేదే ఈ సినిమా కథాంశం. విద్యార్థులుగా హిప్స్టర్, మిథున్ జై శంకర్ మరియు రోషన్ షానవాస్ పోషించారు.