Maga Princes: మనవరాలి పేరును అధికారికంగా ప్రకటించిన చిరంజీవి

Maga Princes: మెగా పవర్ స్టార్ రామ్ చరణ్- ఉపాసన దంపతులు 11 ఏళ్ళ తరువాత తల్లిదండ్రులుగా మారిన విషయం తెల్సిందే. జూన్ 20 న ఉపాసన పండంటి ఆడబిడ్డకు జన్మనిచ్చిన విషయం తెల్సిందే. ఇక నేడు మెగా ప్రిన్సెస్ కు బారసాల వేడుకను ఘనంగా నిర్వహించారు. ఉపాసన తల్లి గారింట ఈ వేడుకను నిర్వహించారు. తాజాగా మనవరాలి పేరును చిరు.. అధికారికంగా అభిమానులతో పంచుకున్నాడు. మెగా ప్రిన్సెస్ పేరు.. ‘క్లిన్ కారా కొణిదెల’ గా చెప్పుకొచ్చాడు. ఇక ఆ పేరును ఎలా పెట్టారో కూడా చిరు చెప్పుకొచ్చాడు.

Maya Petika Review: పాయల్‌ రాజ్‌పుత్ ”మాయాపేటిక” మూవీ రివ్యూ

ట్విట్టర్ వేదికగా చిన్నారిని క్లాత్ ఉయ్యాల్లో పడుకోబెట్టిన ఫోటోను షేర్ చేస్తూ.. ” ఇక పాప పేరును క్లిన్ కారా కొణిదెల గా నామకరణం చేశాం. లలితా సహస్రనామ నామం నుండి ఈ పేరును తీసుకున్నాం. ‘క్లిన్ కారా’ ప్రకృతి స్వరూపాన్ని సూచిస్తుంది.. దివ్యమైన తల్లి ‘శక్తి’ యొక్క అత్యున్నత శక్తిని నిక్షిప్తం చేస్తుంది. దానికి శక్తివంతమైన వైబ్రేషన్స్ ఉన్నాయి. ఈ లక్షణాలు అన్ని లిటిల్ ప్రిన్సెస్ తన వ్యక్తిత్వంలో వస్తాయని .. ఆమె పెరిగేకొద్దీ తనలో ఇముడ్చుకుంటుందని ఖచ్చితంగా నమ్ముతున్నాము. ఆ ఆపేరు మమ్మల్ని మంత్రం ముగ్దుల్ని చేసింది” అంటూ చెప్పుకొచ్చాడు. ప్రస్తుతం ఈ ట్వీట్ నెట్టింట వైరల్ గా మారింది. ఇక పేరు చాలా బావుందని మెగా అభిమానులు శుభాకాంక్షలు తెలుపుతున్నారు.