చిన్ను క్రిష్, గీతిక రతన్ జంటగా, ప్రసాద్ ఏలూరి దర్శకత్వంలో సముద్రాల మంత్రయ్య బాబు నిర్మిస్తున్న సినిమా ‘లవ్ యు రా’. ఈ చిత్రంలోని ‘యూత్ అబ్బా మేము’ అనే పాటను తెలంగాణా సినిమాటోగ్రఫీ మంత్రి తలసాని శ్రీనివాస్ యాదవ్ ఇటీవల విడుదల చేశారు. ‘కేరాఫ్ కంచరపాలెం’ మ్యూజిక్ డైరెక్టర్ స్వీకర్ అగస్థి ఈ పాటను పాడటం విశేషం. ఇందులోని పాటలను రాజారత్నం బట్లురీ రాయగా, ఈశ్వర్ పెరవలి సంగీతం సమకూర్చారు. ఈ సందర్భంగా నిర్మాత సముద్రాల మంత్రయ్య బాబు మాట్లాడుతూ… ‘ఇప్పటికే సినిమా షూటింగ్ పూర్తయ్యిందని, ప్రస్తుతం పోస్ట్ ప్రొడక్షన్ వర్క్ జరుగుతోందని, సరైన తేదీని చూసి సినిమాను విడుదల చేస్తామ’ని తెలిపారు. యువతరాన్ని ఆకట్టుకునేలా సినిమా రూపుదిద్దుకుందని దర్శకుడు ప్రసాద్ ఏలూరి అన్నారు.
తలసాని ఆవిష్కరించిన ‘లవ్ యు రా’ మూవీ సాంగ్!
