Acharya: చిరు సరసన అనుష్క..?

ప్రస్తుతం టాలీవుడ్ లో ఎక్కడ చూసిన ఆచార్య గురించే చర్చ. మెగాస్టార్ చిరంజీవి, మెగా పవర్ స్టార్ రామ్ చరణ్ మల్టీస్టారర్ గా కొరటాల శివ  దర్శకత్వంలో తెరకెక్కుతున్న ఈ సినిమా ఏప్రల్ 29 న ప్రేక్షకుల ముందుకు రానుంది. దీంతో ప్రమోషన్ల జోరును పెంచేసిన మేకర్స్ వరుసగా ఇంటర్వ్యూలు ఇస్తూ సినిమా విశేషాలను పంచుకుంటున్నారు. ఇకపోతే ఈ సినిమానుంచి హీరోయిన్ కాజల్ ను తొలగించినట్లు డైరెక్టర్ క్లారిటీ ఇవ్వడంతో ఆమె అభిమానులు హార్ట్ అవుతున్నారు. చిత్రం మధ్యలో నుంచి ఎలా తొలగిస్తారు.. అని చిత్ర బృందాన్ని ప్రశ్నిస్తున్నారు. ఇక మరోపక్క చిరుకు హీరోయిన్ లేకుండా సినిమా అనేసరికి మెగా ఫ్యాన్స్ కొంత నిరాశ వ్యక్తం చేసున్నారు.

చిరు అంటే డాన్స్, రొమాన్స్, హీరోయిన్ లతో అల్లరి.. ఇవేమీ లేకుండానే ఆచార్య ముగుస్తోందా అని అసహనం వ్యక్తం చేస్తున్నారు. అయితే అంత  నిరాశపడాల్సిన అవసరంలేదట.. ఈ సినిమాలో చిరు అభిమానుల కోసం కొరటాల ఒక సర్ ప్రైజ్ ని ప్లాన్ చేసినట్లు సమాచారం అందుతుంది . అది ఏంటంటే.. ఆచార్య లో చిరు సరసన అనుష్క కనిపించనున్నదట.. చివర్లో ఆమెతో కొన్ని సన్నివేశాలను చిత్రీకరించినట్లు టాక్ వినిపిస్తోంది. అస్సలు అమ్మాయిలు, ప్రేమకు ఆచార్య దూరంగా ఉంటాడు.. అలాంటి పాత్ర వలనే కాజల్ పాత్రను తొలగించాల్సి వచ్చినట్లు కొరటాల తెలిపాడు. అయితే క్లైమాక్స్ లో మాత్రం అనుష్క, చిరు మధ్య రొమాన్స్ లాంటిది ఉంటుంది అని, వీరిద్దరికి సాంగ్ కూడా ఉందనున్నదని వార్తలు గుప్పుమంటున్నాయి. ఇదే కనుక నిజమైతే  ఆచార్య రేంజ్ వేరేగా ఉంటుంది అని అంటున్నారు అభిమానులు. ఇక స్టాలిన్ లో చిరు సరసన  స్టెప్పులు వేసిన అనుష్క మళ్లీ ఇన్నాళ్లకు మరోసారి మెగాస్టార్ తో చిందులు వేయనుంది. మరి ఇందులో నిజమెంత అనేది తెలియాలంటే మేకర్స్ నోరు విప్పాల్సిందే.