‘లక్ష్య’ ట్రైలర్ కు ముహూర్తం ఖరారు
యంగ్ అండ్ ట్యాలెంటెడ్ నటుడు నాగ శౌర్య ఇటీవల “వరుడు కావలెను” అనే సినిమాతో విజయం సాధించారు. ప్రస్తుతం సంతోష్ జాగర్లపూడి దర్శకత్వం వహించిన తన స్పోర్ట్స్ డ్రామా ‘లక్ష్య’ విడుదల కోసం ఎదురు చూస్తున్నాడు. డిసెంబర్ 10న ప్రపంచ వ్యాప్తంగా ఈ సినిమా విడుదలకు సిద్ధంగా ఉంది. ఈ నేపథ్యంలో సినిమా ప్రమోషన్లను స్టార్ట్ చేశారు మేకర్స్. ఇప్పటికే ఈ సినిమా నుంచి విడుదలైన పోస్టర్లు, టీజర్ తో పాటు ఇతర అప్డేట్స్ సినిమాపై బజ్ పెంచేశాయి. తాజాగా ఈ సినిమా ట్రైలర్ విడుదల తేదీని ఖరారు చేస్తూ తాజాగా ట్రైలర్ ను విడుదల చేశారు. ‘లక్ష్య’ థియేట్రికల్ ట్రైలర్ డిసెంబర్ 1న విడుదల కానుంది. పోస్టర్లో నాగ శౌర్య తీవ్రంగా వర్క్ అవుట్లు చేస్తున్నట్టుగా కన్పించాడు.
Read Also : వరస్ట్ బ్యానర్ మైత్రి మూవీ మేకర్స్… నెటిజన్ల ఆగ్రహం
విలువిద్య ఆధారంగా తెరకెక్కుతున్న భారతదేశపు మొదటి చిత్రం ‘లక్ష్యం’. ఇందులో నాగ శౌర్య పూర్తిగా కొత్త లుక్లో కనిపించనున్నారు. ప్రొడక్షన్, పోస్ట్ ప్రొడక్షన్ కార్యక్రమాలన్నీ పూర్తి చేసుకున్న ఈ సినిమాలో ఆయన రెండు డిఫరెంట్ లుక్స్లో కనిపించనున్నారు. కేతిక శర్మ కథానాయికగా నటిస్తుండగా, జగపతిబాబు కీలక పాత్రలో కనిపించనున్నారు. సోనాలి నారంగ్ సమర్పణలో, శ్రీ వెంకటేశ్వర సినిమాస్ ఎల్ఎల్పిలో నారాయణ్ దాస్ కె. నారంగ్, పుస్కుర్ రామ్ మోహన్ రావు, శరత్ మరార్, నార్త్స్టార్ ఎంటర్టైన్మెంట్ ప్రైవేట్ లిమిటెడ్ బ్యానర్లు ఈ చిత్రాన్ని నిర్మించారు.