‘King of Kotha’: ఓనం కానుకగా దుల్కర్ సల్మాన్ పాన్ ఇండియా మూవీ!

Dulquer Salman: పాన్ ఇండియా స్టార్ దుల్కర్ సల్మాన్ చిత్రసీమలోకి అడుగుపెట్టి 11 సంవత్సరాలు అవుతోంది. ఆ సందర్భంలో తెరకెక్కుతున్న దుల్కర్ సల్మాన్ పాన్ ఇండియా మూవీ ‘కింగ్ ఆఫ్ కొత్త’ను 2023 ఓనం రోజున ప్రేక్షకుల ముందుకు తీసుకు రాబోతున్నారు. ఈ భారీ బడ్జెట్ చిత్రం సెకండ్ లుక్ పోస్టర్ ఇప్పటికే అభిమానులను విశేషంగా ఆకట్టుకుని, సోషల్ మీడియాలో సందడి చేస్తోంది. అతని తొలి చిత్రం ‘సెకండ్ షో’లో అందరూ ఇష్టపడే గెటప్ లాగానే, అభిలాష్ జోషి దర్శకత్వం వహించిన ఈ చిత్రంలో దుల్కర్ రగ్డ్ లుక్ తో ఈ పోస్టర్‌ అలరిస్తోంది. జీ స్టూడియోస్‌, వేఫేరర్‌ ఫిలింస్‌ సంయుక్తంగా నిర్మిస్తున్న ‘కింగ్‌ ఆఫ్‌ కొత్త’ చిత్రం షూటింగ్‌ ప్రస్తుతం తమిళనాడులోని కరైకుడిలో జరుగుతోంది. అభిలాష్ ఎన్ చంద్రన్ రాసిన ఈ చిత్రం పాన్-ఇండియన్ స్టార్ నెక్స్ట్ బ్లాక్ బస్టర్ అవుతుందని యూనిట్ సభ్యులు భావిస్తున్నారు. దీనికి నిమిష్ రవి సినిమాటోగ్రఫీ అందిస్తుండగా, ఎడిటర్ గా శ్యామ్ శశిధరన్ పని చేస్తున్నారు. జేక్స్ బిజోయ్ , షాన్ రెహమాన్ కలసి సంగీతం అందిస్తున్నారు.