SharukhKhan : వెయ్యి కోట్ల దర్శకుడితో మరోసారి కింగ్ ఖాన్

హ్యాట్రిక్ మోత మోగాక షారూక్ ఖాన్ ఏమైపోయాడు. నెక్ట్స్ సినిమా పట్టాలెక్కించడంలో ఎందుకు వెనకబడ్డాడు.. కింగ్ ఖాన్ బాక్సాఫీస్ రూల్ చేసేది ఎప్పుడు..  బాక్సాఫీసు కళ తెప్పించేది ఎప్పుడు అంటూ ఫ్యాన్స్ ప్రశ్నలకు ఆన్సర్ ఇచ్చేశాడు. 2024 వెయ్యి కోట్ల కలెక్షన్లను చూడలేకపోయింది బాలీవుడ్. దానికి మెయిన్ రీజన్ త్రీ ఖాన్స్ సందడి లేకపోవడమే. ముఖ్యంగా కలెక్షన్ కింగ్ షారూక్ సినిమా లేకపోవడమే. జస్ట్ స్త్రీ2 మాత్రమే ఎడ్జ్ కు వచ్చి ఆగిపోయింది. 2023లో పఠాన్, జవాన్ సినిమాలతో థౌజండ్ క్రోర్ మార్క్ చూసిన కింగ్ ఖాన్ డంకీతో మరో వెయ్యి కోట్లు ఖాతాలో వేసుకుందామనుకుంటే దెబ్బేశాడు సలారోడు.

Also Read : Spirit : స్పిరిట్ సినిమా స్టోరీ లీక్.. కథేంటంటే..?

హ్యాట్రిక్ హిట్ వచ్చిన తర్వాత బిజీగా మారిపోతానుకుంటే ఏడాది పాటు సైలెండ్ అయ్యాడు బాలీవుడ్ బాద్ షా. లాస్ట్ ఇయర్ పలకరించని ఈ స్టార్ హీరో తన అప్ కమింగ్ ప్రాజెక్టుపై ఫోకస్ చేశాడు. కూతురు సుహానే ఖాన్ ను సిల్వర్ స్క్రీన్ పైకి తేవడంతో మరింత జాగ్రత్తలు తీసుకుంటున్నాడు. రీసెంట్లీ దుబాయ్ ఈవెంట్లో తన అప్ కమింగ్ మూవీ కింగ్ గురించి ఇంటస్ట్రింగ్ అప్డేట్ ఇచ్చాడు. ప్రెస్టిజియస్ ప్రాజెక్టుగా తీసుకుంటున్న కింగ్ మూవీ కోసం షారూక్ మరోసారి స్టార్ డైరెక్టర్ ను దింపుతున్నాడు. పఠాన్ తో తనకు ఫస్ట్ వెయ్యి కోట్ల కలెక్షన్లను చూపించిన సిద్దార్థ్ ఆనంద్ కు మరో ఛాన్సిచ్చాడు. అభిషేక్ బచ్చన్ నెగిటివ్ రోల్ లో కనిపించబోతున్నాడన్నది టాక్. ఇప్పటి వరకు ప్లాప్ చూడని ఈ యంగ్ అండ్ డైనమిక్ డైరెక్టర్.. కింగ్ ఖాన్ కు మరో  వెయ్యి కోట్లు సినిమా ఇస్తాడో లేదో వెయిట్ అండ్  వాచ్.