Kannappa : కన్నప్ప ఓవర్సీస్ రివ్యూ..

డైనమిక్ హీరో విష్ణు మంచు డ్రీమ్ ప్రాజెక్ట్‌ ‘కన్నప్ప’. అవా ఎంటర్టైన్మెంట్స్, 24 ఫ్రేమ్స్ ఫ్యాక్టరీ బ్యానర్లపై మంచు మోహన్ బాబు నిర్మిస్తున్న ఈ చిత్రానికి ముఖేష్ కుమార్ సింగ్ దర్శకత్వం వహించారు. కన్నప్పపై ఎన్నో హోప్స్ పెట్టుకున్నాడు మంచు విష్ణు. ఈ సినిమా కోసం భారీగా ఖర్చుపెట్టాడు. మోహన్ లాల్, అక్షయ్ కుమార్, రెబల్ స్టార్ ప్రభాస్ వంటి స్టార్స్ ఈ సినిమాలో స్పెషల్ రోల్స్ చేస్తుండడంతో అంచనాలు ఓ రేంజ్ లో ఉన్నాయి. భారీ అంచనాల మధ్య నేడు థియేటర్స్ లోకి వచ్చిన ఈ సినిమా ఓవర్సీస్ లో ప్రీమియర్స్ తో రిలీజ్ అయింది. మరి అక్కడి టాక్ ఎలా ఉందంటే..

శివుడు మరియు పార్వతిగా నటించిన అక్షయ్ కుమార్, కాజల్ తో స్టార్ట్ అయిన సినిమా మొదటి భాగం అంతా తిన్నడు (మంచు విష్ణు) బ్యాక్ స్టోరీ, నాస్తికుడిగా ఇతర తెగలపై పోరాటాలు చేయడం వంటి అంశాలతో సాగుతుంది. అయితే తిన్నడి ప్రేమకథలో రొమాంటిక్ ట్రాక్, అనవసరమైన యాక్షన్ సన్నివేశాలు, కథనం మరి నిదానంగా సాగుతుండడం ఇబ్బంది పెట్టింది. ఓవరాల్ ఫస్ట్ హాఫ్ యావరేజ్ గా సాగింది. ఇక సెకండ్ హాఫ్ కాస్త రిలీఫ్. చివరి 40 నిమిషాలు రుద్ర పాత్రలో ప్రభాస్ ఎంట్రీ తర్వాత వచ్చిన హై చివరి వరకు నిలబెట్టగలిగాడు దర్శకుడు. ఇంతకీ నీకు పెళ్లిఅయిందా అని ప్రభాస్ ని అడగడం.. నా పెళ్లి గురించి ఎందుకులే అని బదులివ్వడం వంటి డైలాగ్స్ ఫ్యాన్స్ తో విజిల్ కొట్టించాయి. క్లైమాక్స్ లో మంచు విష్ణు నటన సూపర్బ్. నిర్మాణ విలువలు బాగున్నాయి. సినిమాటోగ్రఫీని ఒకే. నేపథ్య సంగీతం బిగ్ ప్లస్. కానీ VFX అక్కడక్కడా నాసిరకంగా ఉన్నాయి. రైటింగ్ కూడా ఇంకా బాగుండాల్సింది. మోహన్ లాల్, మోహన్ బాబు మెప్పించారు. ఓవరాల్ కృషంరాజు కన్నప్ప అంత కాదు కానీ ఓ సారి చూడగలిగేలా ఉందని ఓవర్సీస్ నుండి వస్తున్న టాక్.