Jailer First Single: ఊ అంటావా మావ కన్నా ఊగిపోయేలా ఉందే
Jailer First Single: సూపర్ స్టార్ రజినీకాంత్ హీరోగా నెల్సన్ దిలీప్ కుమార్ దర్శకత్వంలో తెరకెక్కుతున్న చిత్రం జైలర్. సన్ పిక్చర్స్ నిర్మిస్తున్న ఈ చిత్రంలో తమన్నా, రమ్యకృష్ణ హీరోయిన్లుగా నటిస్తున్నారు. ఇప్పటికే ఈ సినిమా నుంచి రిలీజైన పోస్టర్స్, టీజర్ ప్రేక్షకులను విశేషంగా ఆకట్టుకుంటుంది. ఇక ఈ సినిమా ఆగస్టు 10 న ప్రేక్షకుల ముందుకు రానుంది. రిలీజ్ డేట్ దగ్గరపడుతుండటంతో ప్రమోషన్ల వేగాన్ని పెంచిన మేకర్స్.. తాజాగా ఈ సినిమా మొదటి సింగిల్ ప్రోమోను రిలీజ్ చేశారు. నెల్సన్ దిలీప్ కుమార్, మ్యూజిక్ డైరెక్టర్ అనిరుధ్ కాంబో గురించి ప్రత్యేకంగా చెప్పాల్సిన అవసరం లేదు. ఇప్పటికే వీరి కాంబోలో వచ్చిన సినిమాలు భారీ హిట్ అందుకున్నాయి. ఇక మ్యూజిక్ పరంగా జైలర్ హిట్ అని చెప్పడంలో ఎటువంటి సందేహం లేదు.
AA22: బన్నీతో త్రివిక్రమ్ మహాభారతం.. ?
ఇక ఈ సినిమాలోని మొదటి సింగిల్ .. నువ్వు కావాలయ్యా సాంగ్ రిలీజ్ ప్రోమోను కొద్దిగా డిఫరెంట్ గా రిలీజ్ చేశారు. మ్యూజిక్ అయ్యిందా లేదా అని నెల్సన్.. అనిరుధ్ దగ్గరకు వెల్ళడం, ఆయన ఇంకా అవ్వలేదు అందం.. దీంతో అసహనంగా నెలాసం వెనుతిరగడం చూపించారు. ఇక చివరిలో నెల్సన్.. ఏదో అనుకుంటూ వెళ్తుండగా.. యా నువ్వు కావాలయ్యా అనే సాంగ్ ను వినిపించారు. ఈ సాంగ్ లో తమన్నా డ్యాన్స్ తో అదరగొట్టనుందని తెలుస్తోంది. సాంగ్ షూటింగ్ లో ఉన్న ఫోటోను షేర్ చేసిన తమన్నా.. గెట్ రెడీ అంటూ పోస్ట్ చేసింది. ఇక బీట్ ను చూస్తుంటే .. మంచి మాస్ బీట్ అని అర్ధమవుతుంది. ఈ మాస్ బీట్ విన్న అభిమానులు.. ఊ అంటావా మావ కన్నా ఈ సాంగ్ మరింత ఊగిపోయేలా ఉందే అని కామెంట్స్ చేస్తున్నారు. ఇకపోతే ఈ సాంగ్ ను జూలై 6 న రిలీజ్ చేయనున్నారు. మరి ఈ సాంగ్ ఎలా ఉంటుందో చూడాలంటే మరో మూడు రోజులు ఆగాల్సిందే.