Jailer: విక్రమ్ లైఫ్ టైం కలెక్షన్స్ ని రెండు రోజుల్లోనే లేపేసింది…

లోకనాయకుడు కమల్ హాసన్ మాస్ అవతారంలోకి మారి చేసిన సినిమా ‘విక్రమ్’. లోకేష్ కనగరాజ్ డైరెక్ట్ చేసిన ఈ మూవీ కమల్ కెరీర్ లోనే కాకుండా కోలీవుడ్ బాక్సాఫీస్ హిస్టరీలోనే బిగ్గెస్ట్ హిట్స్ లో ఒకటిగా నిలిచింది. ఏజెంట్ విక్రమ్ గా కమల్ చేసిన పెర్ఫార్మెన్స్ ని పాన్ ఇండియా ఆడియన్స్ ఫిదా అయ్యారు. ఈ రేంజులో కమల్ హాసన్ ని ఇప్పటివరకూ చూడకపోవడంతో మూవీ లవర్స్ అంతా విక్రమ్ సినిమాని రిపీట్ మోడ్ లో చూసారు. అనిరుద్ బ్యాక్ గ్రౌండ్ తో విక్రమ్ సినిమాకి ప్రాణం పోసాడు. కమల్ లాంటి నటుడికి ఫాహద్, సేతుపతి లాంటి మోస్ట్ టాలెంటెడ్ యాక్టర్స్ కూడా తోడవ్వడంతో విక్రమ్ సినిమా వసూళ్ల వర్షం కురిపించింది.

ఇండియాలోనే కాదు ఓవర్సీస్ లో కూడా విక్రమ్ సినిమా నెవర్ బిఫోర్ యూపోరియాని క్రియేట్ చేసింది. త్రి మిలియన్ డాలర్స్ ని రాబట్టి కోలీవుడ్ ఓవర్సీస్ టాప్ 10 మూవీస్ లో ఒకటిగా నిలిచింది. ఓవర్సీస్ లో విక్రమ్ సినిమా రాబట్టిన కలెక్షన్స్ చూసి కోలీవుడ్ వర్గాలు కూడా ఆశ్చర్యపోయాయి, అయితే విక్రమ్ లైఫ్ టైం కలెక్షన్స్ ని రెండు రోజుల్లోనే బ్రేక్ చేస్తూ సూపర్ స్టార్ రజినీకాంత్ ఎంట్రీ ఇచ్చాడు. దాదాపు అయిదేళ్ల జైలర్ సినిమాతో హిట్ అందుకున్న రజినీకాంత్ ని చూడడానికి మూవీ లవర్స్ అంతా థియేటర్స్ కి క్యూ కడుతున్నారు. దీంతో ఆల్ సెంటర్స్ హౌజ్ ఫుల్ బోర్డులు పెడుతున్నారు. విక్రమ్ సినిమా ఓవర్సీస్ లో రాబట్టిన త్రీ మిలియన్ డాలర్స్ ని జైలర్ మూవీ రెండుల్లోనే రాబట్టి ట్రేడ్ వర్గాలకి కూడా షాక్ ఇస్తోంది. వీకెండ్ స్టార్ట్ కాకముందే రజినీ ర్యాంపేజ్ ఈ రేంజులో ఉంటే సండే ఎండ్ అయ్యే టైంకి జైలర్ సృష్టించబోయే వసూళ్ల సునామీలో ఎన్ని రికార్డులు ఎగిరిపోతాయో చూడాలి.