Jagapathi Babu: ‘రంగస్థలం’ సర్పంచ్.. పుష్ప 2 లో.. సుకుమార్ సినిమాటిక్ యూనివర్స్ ..?
Jagapathi Babu: లోకేష్ కనగరాజ్ సినిమాటిక్ యూనివర్స్ లా సుకుమార్ కూడా సినిమాటిక్ యూనివర్స్ ఏమైనా మొదలు పెట్టాడా..? అంటే నిజమే అని అభిమానులు చెప్పుకొస్తున్నారు. అందుకు కారణం.. పుష్ప 2. అల్లు అర్జున్, రష్మిక జంటగా సుకుమార్ దర్శకత్వంలో తెరకెక్కుతున్న ఈ సినిమాపై భారీ అంచనాలు నెలకొన్న విషయం తెల్సిందే. ఇక అల్లు అర్జున్ పుట్టినరోజున విడుదలైన వీడియో, పోస్టర్ ఎంతటి సంచలనాన్ని సృష్టించాయో ప్రత్యేకంగా చెప్పాల్సిన అవసరం లేదు. పుష్పతో బన్నీని ఐకాన్ స్టార్ ను చేసిన సుక్కు.. ఈసారి గ్లోబల్ స్టార్ ని చేసేస్తాడేమో. ఇక ఇప్పటికే ఈ సినిమాలో విలన్స్ భారీ ఎత్తున ఉన్నారు. సునీల్, ఫాహద్ ఫాజిల్.. లాంటి స్టార్స్ ఉండగా.. ఇంకో విలన్ ను పెట్టాడట సుకుమార్. ఆయన ఎవరో కాదు.. విలక్షణ నటుడు జగపతి బాబు. పుష్ప 2 లో జగ్గూభాయ్ ఒక కీలక పాత్రలో నటిస్తున్నాడట. ఈ విషయాన్ని ఆయనే స్వయంగా చెప్పుకొచ్చాడు.
Adipurush: జై శ్రీరామ్.. మాకు అన్ని భాషల్లో కావాలి
” నేనెప్పుడూ సుకుమార్ సినిమాలో చేయడానికి ఎదురుచూస్తూ ఉంటాను. ఎందుకంటే.. మీకెవ్వరికి తెలియదు తర్వాత ఏమవుతుందో అని. పుష్ప 2 ఒక ఛాలెంజ్. నాకు ఛాలెంజెస్ అంటే చాలా ఇష్టం. అంతకు ముందు చిత్రాలా లాగే ఈ చిత్రంలో కూడా నాకోసం సుక్కు ఒక బెస్ట్ పాత్రను రాశాడు. అతనితో పనిచేయడానికి నేనెప్పుడూ రెడీ గా ఉంటా.. పుష్ప నాకు నచ్చిన చిత్రం” అని చెప్పుకొచ్చాడు. ఇక ఈ వార్త తెలియడంతో అల్లు అభిమానులు సుక్కు మల్టీవర్స్ అని చెప్పుకొచ్చేస్తున్నారు. సుక్కు దర్శకత్వం వహించిన రంగస్థలం సినిమా గుర్తుందిగా .. అందులో జగ్గు భాయ్.. సర్పంచ్ ఫణింద్ర భూపతిగా నటించాడు. ఒక పాముగా జగ్గూభాయ్ ను సుకుఆర్ చూపించాడు. చివరిలో రామ్ చరణ్ పామును కొట్టి చంపినట్లు చూపించారు కానీ, జగపతి బాబును మాత్రం చూపించలేదు. ఇక ఆ సర్పంచ్ పాత్ర.. పుష్ప 2 లో ఉంటుందేమో అని అభిమానులు చెప్పుకొస్తున్నారు. పుష్ప 2 కథను సుక్కు చాలా పకడ్బందీగా రాసుకున్నట్లు తెలుస్తోంది. ఒకవేళ ఇదే కనుక నిజమైతే.. సుక్కు.. టాలీవుడ్ లోకేష్ కనగరాజ్ అని చెప్పుకోవచ్చు అని నెటిజన్లు అంటున్నారు. మరి ఈ వార్తలో ఎంత నిజమున్నదో చూడాలి.